غزل 6 اشعار

میں پس ترک محبت کسی مشکل میں نہیں

Main Pas-e-Tark-e-Muhabbat Kisi Mushkil Mein Nahin

میں پس ترک محبت کسی مشکل میں نہیںدل بھی پہلو میں نہیں درد بھی اب دل میں نہیں

بو الہوس چل دیے سب جان بچا کر اپنیصرف قاتل ہے کوئی کوچۂ قاتل میں نہیں

وقت مرنے کا جو آئے گا تو مر جاؤں گامیرے نزدیک یہ مشکل کوئی مشکل میں نہیں

ڈوب کر پار اترتے ہیں اترنے والےقعر دریا کا مزہ دامن ساحل میں نہیں

بس وہی قہر و غضب بس وہی آزار ستملطف کی بات کوئی آپ کی محفل میں نہیں

بھیج کر خط انہیں بلوائیں محبان سخنکچھ بھی محفل میں نہیں نوحؔ جو محفل میں نہیں

— نوح ناروی

فرہنگ

پس ترکِ محبت — محبت چھوڑنے کے بعد
بو الہوس — ہوس پرست، لالچی عاشق
قعرِ دریا — دریا کی گہرائی، تہہ

تشریح

اس غزل میں شاعر ترکِ محبت کے بعد کی کیفیت بیان کرتا ہے کہ اب وہ کسی مشکل میں نہیں، کیونکہ دل اور اس کا درد دونوں اب اس کے پاس نہیں رہے۔ لہجہ بے نیازی اور تھکی ہوئی خود اعتمادی کا ہے۔ ایک نمایاں شعر میں شاعر کہتا ہے کہ وقتِ موت جو آئے گا تو مر جاؤں گا، اور اسے کوئی مشکل نہیں سمجھتا۔ غزل کا مجموعی مفہوم یہ ہے کہ ہجر اور ظلم کے تجربات نے شاعر کو موت اور دکھ کے سامنے بے پروا بنا دیا ہے۔