غزل 5 اشعار

کہتا ہے کوئی سن کے مری آہ رسا کو

Kehta Hai Koi Sun Ke Meri Aah-e-Rasa Ko

کہتا ہے کوئی سن کے مری آہ رسا کوپہچانتے ہیں ہم بھی زمانے کی ہوا کو

تاثیر کے دو حصے اگر ہوں تو مزا ہےاک میری فغاں کو ملے اک تیری ادا کو

ہم سا کوئی بندہ بھی زمانے میں نہ ہوگاگر اس نے بھلایا تو کیا یاد خدا کو

سنتا ہوں کہ ہے خواہش پابوس اسے ابھیوہ پیس کے رکھ دیں نہ کہیں برگ حنا کو

اے نوحؔ ابھی ہے مری فریاد انہیں سےجب وہ نہ سنیں گے تو پکاروں گا خدا کو

— نوح ناروی

فرہنگ

آہ رسا — اثر کرنے والی آہ، وہ آہ جو مقصد تک پہنچے
برگ حنا — مہندی کے پتے
خواہش پابوس — قدم چومنے کی خواہش

تشریح

اس غزل میں شاعر اپنی آہ و فغاں کو محبوب کے سامنے پیش کرتا ہے اور اس کی بے اعتنائی کا شکوہ کرتا ہے۔ وہ کہتا ہے کہ اگر تاثیر کے دو حصے ہوں تو مزا تب ہے جب ایک حصہ اس کی فغاں کو اور دوسرا محبوب کی ادا کو ملے۔ مقطع میں شاعر کا لہجہ عاجزی اور امید سے بھرا ہے، وہ کہتا ہے کہ اگر محبوب نہ سنے تو وہ خدا کو پکارے گا۔ مجموعی طور پر کلام میں محبت، شکوے اور دعا کا رنگ نمایاں ہے۔