وہ کہتے ہیں آؤ مری انجمن میں مگر میں وہاں اب نہیں جانے والاکہ اکثر بلایا بلا کر بٹھایا بٹھا کر اٹھایا اٹھا کر نکالا
نشاط و الم کے سفید و سیہ نے ہماری نگاہوں کو حیرت میں ڈالاادھر روشنی ہے ادھر تیرگی ہے کہیں ہے اندھیرا کہیں ہے اجالا
مرا درد پوچھا مرا حال دیکھا مرے دل کا ارمان تم نے نکالاخدا اور بھی دے زیادہ مراتب سوا اور اس سے بھی ہو بول بالا
پڑی نیو آپس میں گو دوستی کی مگر دوستی کس طرح نبھ سکے گیاسے ہے نزاکت مجھے ہے نقاہت نہ وہ آنے والا نہ میں جانے والا
شوالے کی جانب قدم کیوں بڑھاؤں نظر کس لئے سوئے مسجد اٹھاؤںادھر کہہ رہا ہے ادھر سن رہا ہے کوئی کہنے والا کوئی سننے والا
ہمیں پر ہوئیں کیا ہزاروں جفائیں ہزاروں پر آئیں ہزاروں بلائیںزمانے میں کوئی سنبھلنے نہ پایا کسی شوخ نے ہوش جب سے سنبھالا
وہ آئے تھے پہلو میں بے ہوش تھا میں ہوئی ہوگی دل پر بہت کچھ نوازشمگر کیا خبر مجھ کو اللہ جانے تمنا نکالی کہ کانٹا نکالا
ہزاروں بلانوش ادھر بھی ادھر بھی ملی اتنی فرصت کہاں مے کدے میںرہا کام پینے پلانے سے سب کو نہ دھوئی صراحی نہ ساغر کھنگالا
محبت کے جوگی ستم کے بروگی وفا کے بھکاری جفا کے پجاریجہاں دیکھ پاتے ہیں جلوہ بتوں کا بچھاتے ہیں اپنا وہیں مرگ چھالا
چرا لے گیا کوئی دل بھی جگر بھی اڑا لے گیا کوئی صبر و سکوں بھییقیں ہے تمنا نکلتے نکلتے نکل جائے گا عاشقوں کا دوالا
وطن سے نکل کر اکیلے چلے تھے مگر خوش یقینی کے قربان جائیںملا دشت غربت میں اک اک قدم پر ہمیں اک نہ اک جان پہچان والا
فغاں کی بھی امداد حاصل کروں میں محبت کو بھی کچھ توجہ دلاؤںبھرم جذب دل کا نکلنے نہ پائے نکل آئے پردے سے وہ پردے والا
غضب ڈھا گئیں سیدھی سادی ادائیں ستم کر گئیں ترچھی بانکی نگاہیںیہی شور اٹھا جدھر سے وہ گزرے مجھے مار ڈالا مجھے مار ڈالا
ادھر طور پر غش میں موسیٰ پڑے ہیں ادھر ہاتف غیب یہ کہہ رہا ہےذرا کھولیے آپ آنکھیں تو اپنی قریب آ گیا دیکھیے دور والا
یہ مطلب تھا ارمان اس کے نہ نکلیں جو تڑپیں تو کچھ اور پیچیدگی ہومرے خانۂ دل میں رنج و الم نے تنا ہر طرف خوب مکڑی کا جالا
تمہارا ثنا خواں تمہارا دعا گو تمہارا فدائی تمہارا سلامییہ کیا کہہ دیا اس نے واقف نہیں ہم وہی ہاں وہی نوحؔ طوفان والا
— نوح ناروی
Woh kehte hain aao meri anjuman mein magar main wahan ab nahin jaane walaKe aksar bulaya bula kar bithaya bitha kar uthaya utha kar nikala
Nishat-o-alam ke safaid-o-siyah ne hamari nigahon ko hairat mein dalaIdhar roshni hai idhar teergi hai kahin hai andhera kahin hai ujala
Mera dard poochha mera haal dekha mere dil ka armaan tum ne nikalaKhuda aur bhi de ziada maratib siwa aur is se bhi ho bol bala
Padi neew aapas mein go dosti ki magar dosti kis tarah nibh sake giUse hai nazakat mujhe hai naqahat na woh aane wala na main jaane wala
Shiwale ki jaanib qadam kyoon barhaon nazar kis liye soye masjid uthaonIdhar keh raha hai idhar sun raha hai koi kehne wala koi sunne wala
Hameen par huin kya hazaron jafain hazaron par aain hazaron balainZamana mein koi sanbhalne na paya kisi shokh ne hosh jab se sanbhala
Woh aaye the pehlu mein be-hosh tha main hui hogi dil par bahut kuch nawazishMagar kya khabar mujh ko Allah jaane tamanna nikali ke kaanta nikala
Hazaron bala-nosh idhar bhi idhar bhi mili itni fursat kahan mai-kade meinRaha kaam peene pilane se sab ko na dhoi surahi na saghar khangala
Muhabbat ke jogi sitam ke barogi wafa ke bhikari jafa ke pujariJahan dekh paate hain jalwa buton ka bichhate hain apna wahein mrig chhala
Chura le gaya koi dil bhi jigar bhi ura le gaya koi sabr-o-sukoon bhiYaqeen hai tamanna nikalte nikalte nikal jaye ga aashiqon ka diwala
Watan se nikal kar akele chale the magar khush-yaqeeni ke qurban jainMila dasht-e-ghurbat mein ek ek qadam par hamein ek na ek jaan-pechhan wala
Faghan ki bhi imdad hasil karoon main muhabbat ko bhi kuch tawajjoh dilaonBharam jazb-e-dil ka nikalne na paye nikal aaye parday se woh parday wala
Ghazab dha gain seedhi saadi adain sitam kar gain tirchhi banki nigahinYehi shor utha jidhar se woh guzre mujhe maar dala mujhe maar dala
Idhar Toor par ghash mein Moosa pade hain idhar haatif-e-ghaib yeh keh raha haiZara kholiye aap aankhein to apni qareeb aa gaya dekhiye door wala
Yeh matlab tha armaan us ke na niklin jo tadpin to kuch aur peechidgi hoMere khana-e-dil mein ranj-o-alam ne tana har taraf khoob makri ka jaala
Tumhara sana-khwan tumhara dua-go tumhara fidai tumhara salamiYeh kya keh دیا us ne waqif nahin hum wahi haan wahi Nooh toofan wala
فرہنگ
تشریح
اس غزل میں شاعر نے محفل، محبوب کی بے رخی اور عشق کی آزمائشوں کو بیان کیا ہے۔ شاعر کا لہجہ شکایتی اور طنزیہ ہے؛ وہ کہتا ہے کہ اسے بار بار بلا کر بٹھایا اور اٹھایا گیا اور اب وہ اس انجمن میں جانا نہیں چاہتا۔
پہلے شعر میں دعوت ملنے کے باوجود انکار کا اعلان ہے، جبکہ ایک اور شعر میں محبوب کی ادائیں اور نگاہیں دل پر ستم ڈھانے کا ذکر کرتی ہیں۔ مجموعی طور پر کلام میں شکوہ اور دل شکستگی نمایاں ہے۔