غزل 9 اشعار

بن گیا دل اگر بیاں نہ ہوا

Ban gaya dil agar bayan na hua

بن گیا دل اگر بیاں نہ ہواغم بہر حال رائیگاں نہ ہوا

دیدنی ہے بہار منزل کیآج منزل پہ کارواں نہ ہوا

تو نے صیاد کتنی محنت کییہ قفس پھر بھی آشیاں نہ ہوا

نظریں افسانہ وہ سنا کے رہیںجو زباں سے کبھی بیاں نہ ہوا

میں نے کی ہے شکستگی منظورمیں کبھی گرد کارواں نہ ہوا

پوچھتے ہیں وہ داستان فراقہائے وہ غم جو داستاں نہ ہوا

برق لہرا رہی ہے گلشن میںآج ہی میرا آشیاں نہ ہوا

میں نے اپنی طرف بھی دیکھا تھاخیر گزری وہ بد گماں نہ ہوا

کب وہ آمادۂ ستم نہ ہوئےکب سعیدؔ اپنا امتحاں نہ ہوا

— سعید شہیدی

فرہنگ

رائیگاں — بے سود، ضائع ہونے والا
صیاد — شکاری، پھندا لگانے والا
شکستگی منظور — ٹوٹ پھوٹ اور عاجزی قبول ہونا

تشریح

اس غزل میں شاعر نے غم، جدائی اور ناکامی کے تجربات کو نہایت نرم لہجے میں بیان کیا ہے۔ دل کا غم بیان نہ ہونے کے باوجود باقی رہتا ہے، اور شاعر محبوب کی بے وفائی اور ستم کے باوجود اپنے درد کو حوصلے سے سہتا نظر آتا ہے۔ ایک نمایاں شعر میں شاعر کہتا ہے کہ نگاہوں نے وہ افسانہ سنا دیا جو زبان سے کبھی بیان نہ ہوا تھا، یعنی خاموش نگاہیں دل کی بات کہہ گئیں۔ مجموعی طور پر کلام میں اداسی اور صبر کی فضا غالب ہے۔