غزل 7 اشعار

سر محفل دل تنہا پہ ہنسی آتی ہے

Sar-e-mahfil dil-e-tanha pe hansi aati hai

سر محفل دل تنہا پہ ہنسی آتی ہےمجھ کو اس غنچۂ صحرا پہ ہنسی آتی ہے

ہاں ترا وعدۂ فردا تھا کبھی وجہ حیاتاب اسی وعدۂ فردا پہ ہنسی آتی ہے

شب مہ موسم گل اور جوانی توبہایسی بے وقت کی توبہ پہ ہنسی آتی ہے

کبھی ٹوٹی ہوئی کشتی پہ ترس آتا ہےکبھی چڑھتے ہوئے دریا پہ ہنسی آتی ہے

میں جواں ہوں مری فطرت کا تقاضا ہے کچھ اورمجھ کو اندیشۂ فردا پہ ہنسی آتی ہے

چار تنکوں کا جلانا بھی بڑی بات تھی کچھبرق کی زحمت بے جا پہ ہنسی آتی ہے

چاہتے ہیں کہ انہیں دل سے بھلا دوں میں سعیدؔایسی معصوم تمنا پہ ہنسی آتی ہے

— سعید شہیدی

فرہنگ

غنچۂ صحرا — صحرا میں کھلنے والی کلی، بے کس اور ویران حال کی علامت
وعدۂ فردا — کل پر کیا گیا وعدہ، آئندہ کی امید
اندیشۂ فردا — کل کی فکر، آنے والے کل کا خوف

تشریح

اس غزل میں شاعر اپنے تنہا دل پر ہنسی کا اظہار کرتا ہے اور اپنی ماضی کی امیدوں، وعدوں اور توبہ پر طنزیہ لہجے میں غور کرتا ہے۔ وہ کہتا ہے کہ جو وعدۂ فردا کبھی جینے کا سہارا تھا، اب اسی پر ہنسی آتی ہے۔ ایک نمایاں مصرع 'کبھی ٹوٹی ہوئی کشتی پہ ترس آتا ہے' ہے، جس میں شکست خوردہ حال پر ہمدردی اور پھر اسی کیفیت پر ہنسی کا امتزاج نظر آتا ہے۔ آخری شعر میں دل سے بھلانے کی معصوم تمنا پر بھی ہنسی آتی ہے۔

کس نے پڑھا

یہ کلام محفلوں میں