غزل 8 اشعار

شام غم جب در بدر ہو جائے گی

Sham-e-gham jab dar-ba-dar ho jaegi

شام غم جب در بدر ہو جائے گیوقت سے پہلے سحر ہو جائے گی

دل کی دھڑکن کا سہارا چاہئےآہ پابند اثر ہو جائے گی

آپ چلنے کا ارادہ تو کریںساری دنیا ہم سفر ہو جائے گی

ڈال تو دیجے نشیمن کی بنابرق کو خود ہی خبر ہو جائے گی

اپنی آہوں پر بھروسا ہے مجھےجب میں چاہوں گا سحر ہو جائے گی

مسکرانے سے نہ ہوگا اور کچھفطرت غم معتبر ہو جائے گی

داستاں کا مختصر ہونا ہی کیامسکرا دو مختصر ہو جائے گی

رحم آ ہی جائے گا ان کو سعیدؔشام غم کی بھی سحر ہو جائے گی

— سعید شہیدی

فرہنگ

در بدر — جگہ جگہ، ادھر ادھر
پابند اثر — اثر رکھنے والی، کارگر
نشیمن کی بنا — آشیانے کی بنیاد

تشریح

اس غزل میں شاعر غم کی شام کے ختم ہونے اور امید کی صبح طلوع ہونے کے یقین کا اظہار کرتا ہے۔ وہ کہتا ہے کہ اپنی آہوں پر اسے بھروسا ہے اور جب وہ چاہے گا تو سحر ہو جائے گی۔ شاعر کا لہجہ پرامید اور پرعزم ہے، جیسا کہ آخری شعر میں امید ظاہر کی گئی ہے کہ محبوب کو رحم آ ہی جائے گا اور غم کی شام بھی سحر میں بدل جائے گی۔ ہم سفر اور برق جیسے استعارے بھی اسی امید اور جدوجہد کے مضمون کو تقویت دیتے ہیں۔