طبیعت سوئے آسانی کبھی مائل نہیں ہوتیمحبت میں کوئی مشکل بھی ہو مشکل نہیں ہوتی
مسافر بیٹھ جاتا ہے جہاں بس بیٹھ جاتا ہےپھر اس کے بعد اس کو خواہش منزل نہیں ہوتی
بناتے ہی نشیمن برق آتی ہے جلانے کوخدا کا شکر ہے محنت مری زائل نہیں ہوتی
تری محفل میں کون آیا تری محفل سے کون اٹھاتجھے اس کی خبر اے صاحب محفل نہیں ہوتی
انہیں رحم آ ہی جائے گا تو عرض حال کرتا جاخلوص دل سے جو کوشش ہو لا حاصل نہیں ہوتی
اگر میں خود نہیں ہوتا تو میرا ذکر ہوتا ہےبجز میرے تری محفل تری محفل نہیں ہوتی
خوشی کی حد آخر پر تو آنسو ڈبڈباتے ہیںمگر کیا بات ہے غم کی کوئی منزل نہیں ہوتی
— سعید شہیدی
Tabiat su-e-asani kabhi mail nahin hotiMohabbat mein koi mushkil bhi ho mushkil nahin hoti
Musafir baith jata hai jahan bas baith jata haiPhir us ke baad us ko khwahish-e-manzil nahin hoti
Banate hi nasheman barq aati hai jalane koKhuda ka shukr hai mehnat meri zail nahin hoti
Teri mahfil mein kaun aaya teri mahfil se kaun utthaTujhe is ki khabar ai sahab-e-mahfil nahin hoti
Unhen rahm aa hi jaega tu arz-e-haal karta jaKhulus-e-dil se jo koshish ho la-hasil nahin hoti
Agar main khud nahin hota to mera zikr hota haiBa-juz mere teri mahfil teri mahfil nahin hoti
Khushi ki hadd-e-akhir par to aansu dabdabaate hainMagar kya baat hai gham ki koi manzil nahin hoti
فرہنگ
تشریح
اس غزل میں شاعر یہ مضمون باندھتا ہے کہ انسان کی طبیعت آسان راستے کی طرف کبھی راغب نہیں ہوتی، اور محبت میں جو بھی مشکل پیش آئے وہ مشکل نہیں لگتی۔ شاعر کا لہجہ پرعزم اور خودداری پر مبنی ہے۔ مثلاً وہ کہتا ہے کہ بناتے ہی نشیمن بجلی آ جاتی ہے، مگر خدا کا شکر ہے کہ اس کی محنت ضائع نہیں ہوتی۔ ایک اور شعر میں وہ کہتا ہے کہ اگر وہ خود محفل میں نہ ہو تو اس کا ذکر ہوتا ہے، یعنی محفل کی رونق اسی کے دم سے ہے۔