5 اشعار

آنکھ کی یہ ایک حسرت تھی کہ بس پوری ہوئی

Aankh ki ye ek hasrat thi ke bas poori hui

شہریار

آنکھ کی یہ ایک حسرت تھی کہ بس پوری ہوئیآنسوؤں میں بھیگ جانے کی ہوس پوری ہوئی

آ رہی ہے جسم کی دیوار گرنے کی صدااک عجب خواہش تھی جو اب کے برس پوری ہوئی

اس خزاں آثار لمحے کی حکایت ہے یہیاک گل نا آفریدہ کی ہوس پوری ہوئی

آگ کے شعلوں سے سارا شہر روشن ہو گیاہو مبارک آرزوئے خار و خس پوری ہوئی

کیسی دستک تھی کہ دروازے مقفل ہو گئےاور اس کے ساتھ روداد قفس پوری ہوئی

— شہریار