کچھ بچانے کے لیے عمر گنواتے ہوئے لوگخرچ ہو جائیں گے یہ خواب کماتے ہوئے لوگ
بھول جاتے ہیں کہ اب یاد نہیں رکھنا مجھےمیرا قصہ مجھے آ آ کے سناتے ہوئے لوگ
اک توقع کا بہر حال بھرم رکھتے ہیںروٹھنے والوں کو ہر بار مناتے ہوئے لوگ
چھوڑ جائیں گے کسی دن یہ بتاتے ہی نہیںیہ بتاتے ہی نہیں اپنا بناتے ہوئے لوگ
تیری دہلیز پہ کچھ پھول نہیں خود کو بھیچھوڑ آتے ہیں ترے شہر سے جاتے ہوئے لوگ
ہر تعلق میں یہی خوف کہ بس اب کے گیاہم فصیلوں کی دراڑوں کو چھپاتے ہوئے لوگ
سو نہیں پائیں گے کمرے میں اندھیرا کر کےجاگتی آنکھ میں منظر کو سلاتے ہوئے لوگ
خوش لباسی بھی ہے پردہ کسی محرومی کاجسم سے روح کے آزار چھپاتے ہوئے لوگ
انفال رفیق
— اردو شعرا
Kuch bachane ke liye umar ganwate hue logKharch ho jaayenge yeh khwab kamate hue log
Bhool jaate hain ke ab yaad nahin rakhna mujheMera qissa mujhe aa aa ke sunate hue log
Ek tawaqqo ka ba-har haal bharam rakhte hainRootne walon ko har baar manate hue log
Chhod jaayenge kisi din yeh batate hi nahinYeh batate hi nahin apna banate hue log
Teri dehleez pe kuch phool nahin khud ko bhiChhod aate hain tere shehar se jaate hue log
Har ta'alluq mein yehi khauf ke bas ab ke gayaHum faseelon ki daraaron ko chhupate hue log
So nahin paayenge kamre mein andhera kar keJaagti aankh mein manzar ko sulate hue log
Khush-libasi bhi hai parda kisi mehroomi kaJism se rooh ke aazaar chhupate hue log
Anfal Rafeeq
