یوں بولی تھی چڑیا خالی کمرے میںجیسے کوئی نہیں تھا خالی کمرے میں
ہر پل میرا رستہ دیکھا کرتا ہےجانے کس کا سایہ خالی کمرے میں
کھڑکی کے رستے سے لایا کرتا ہوںمیں باہر کی دنیا خالی کمرے میں
ہر موسم میں آتے جاتے رہتے ہیںلوگ ہوا اور دریا خالی کمرے میں
چہروں کے جنگل سے لے کر آیا ہوںسرخ گلاب کا پودا خالی کمرے میں
بستی میں ہر رات نکلنے والا چاندعمر ہوئی نہ اترا خالی کمرے میں
تیز ہوا میں سارے کوزے ٹوٹ گئےاور پھیلا اک صحرا خالی کمرے میں
ساحلؔ شہر سے دور اکیلا رہتا ہےجیسے میں ہوں رہتا خالی کمرے میں
— زیشان ساحل
Yoon boli thi chiriya khaali kamre meinJaise koi nahin tha khaali kamre mein
Har pal mera rasta dekha karta haiJaane kis ka saya khaali kamre mein
Khirki ke raste se laya karta hoonMain bahar ki duniya khaali kamre mein
Har mausam mein aate jaate rehte hainLog hawa aur darya khaali kamre mein
Chehron ke jangal se le kar aaya hoonSurkh gulab ka pauda khaali kamre mein
Basti mein har raat nikalne wala chandUmr hui nah utra khaali kamre mein
Tez hawa mein saare kooze toot gayeAur phaila ek sehra khaali kamre mein
Sahil shehr se door akela rehta haiJaise main hoon rehta khaali kamre mein