شب فراق ہمارا وہ نیم جاں ہونااجل کا آپ ہی گھر میں وہ مہماں ہونا
خفا نہ سن کے مرا حال مہرباں ہوناکہ اس بیان کو اک دن ہے داستاں ہونا
دیار حسن کی سرگرمیاں معاذ اللہہر اک قدم پہ محبت کا امتحاں ہونا
کوئی ستم ہو یہیں سے شروع ہوتا ہےغضب ہے کوچۂ جاناں کا آسماں ہونا
اجل سے پہلے صبا لے اڑی سر منزلکہاں پہ آیا ہے کام اپنا ناتواں ہونا
اٹھا وہ درد کلیجہ میں وہ گرے آنسونہیں ہے کھیل محبت کا رازداں ہونا
نگاہ قہر کبھی اور کبھی کرم کی نظرانہیں اداؤں کا مل جل کے داستاں ہونا
وہ کیا کرے نہ مٹے گر تری محبت میںلکھا ہو جس کے مقدر میں بے نشاں ہونا
ابھی نہ شاد ہو تکمیل عشق پر افقرؔابھی ہے ترک محبت کا امتحاں ہونا
— افقر موہانی
Shab-e-firaq hamara woh neem-jaan honaAjal ka aap hi ghar mein woh mehmaan hona
Khafa na sun ke mera haal mehrbaan honaKe is bayaan ko ek din hai dastaan hona
Diyar-e-husn ki sargarmian ma'az-AllahHar ek qadam pe mohabbat ka imtihaan hona
Koi sitam ho yahin se shuru hota haiGhazab hai koocha-e-jaanaaN ka asmaaN hona
Ajal se pehle saba le uri sar-e-manzilKahaN pe aaya hai kaam apna natawaN hona
Utha woh dard kaleja mein woh gire aansuNahi hai khel mohabbat ka raazdaN hona
Nigah-e-qehr kabhi aur kabhi karam ki nazarInhi adaoN ka mil jul ke dastaan hona
Woh kya kare na mite gar teri mohabbat meinLikha ho jis ke muqaddar mein be-nishaaN hona
Abhi na shad ho takmeel-e-ishq par AfqarAbhi hai tark-e-mohabbat ka imtihaan hona
