یہ بات راہرو نکتہ داں سے دور نہیںزمیں کہیں کی بھی ہو آسماں سے دور نہیں
سمندروں کا سفر ہے تو حوصلہ رکھوہوا کا لمس کسی بادباں سے دور نہیں
وہی مہک ہے جو رستہ سجھا رہی ہے مجھےسو چل رہا ہوں اور اس گلستاں سے دور نہیں
وہ ایک خواب کہ جس کا خیال رہتا ہےیقیں سے دور ہو لیکن گماں سے دور نہیں
میں اس کو چوم کے آیا ہوں اور یہ سوچتا ہوںیہ واقعہ ہے مگر داستاں سے دور نہیں
نئے زمانے کو جاتے ہوئے یہ دھیان رہےیہ راستہ بھی رہ رفتگاں سے دور نہیں
میں ایک حرف لکھوں اور حوالہ بن جائےیہ معجزہ مرے عجز بیاں سے دور نہیں
— آفتاب حسین
Ye baat rahrau nuqta-dan se door nahinZameen kahin ki bhi ho aasman se door nahin
Samundaron ka safar hai to hausla rakhoHawa ka lams kisi baadbaan se door nahin
Wohi mahak hai jo rasta sujaha rahi hai mujheSo chal raha hoon aur us gulistan se door nahin
Woh ek khwab ke jis ka khayal rahta haiYaqeen se door ho lekin guman se door nahin
Main us ko choom ke aaya hoon aur yeh sochta hoonYe waqia hai magar dastan se door nahin
Naye zamane ko jaate hue yeh dhyan raheYeh rasta bhi reh-e-raftagaan se door nahin
Main ek harf likhun aur hawala ban jayeYeh mojza mere ajz-e-bayan se door nahin