اب کے رت بدلی تو خوشبو کا سفر دیکھے گا کونزخم پھولوں کی طرح مہکیں گے پر دیکھے گا کون
دیکھنا سب رقص بسمل میں مگن ہو جائیں گےجس طرف سے تیر آئے گا ادھر دیکھے گا کون
زخم جتنے بھی تھے سب منسوب قاتل سے ہوئےتیرے ہاتھوں کے نشاں اے چارہ گر دیکھے گا کون
وہ ہوس ہو یا وفا ہو بات محرومی کی ہےلوگ تو پھل پھول دیکھیں گے شجر دیکھے گا کون
ہم چراغ شب ہی جب ٹھہرے تو پھر کیا سوچنارات تھی کس کا مقدر اور سحر دیکھے گا کون
آ فصیل شہر سے دیکھیں غنیم شہر کوشہر جلتا ہو تو تجھ کو بام پر دیکھے گا کون
ہر کوئی اپنی ہوا میں مست پھرتا ہے فرازشہر نا پرساں میں تیری چشم تر دیکھے گا کون
— احمد فراز
Ab ke rut badli to khushboo ka safar dekhega kaunZakhm phoolon ki tarah mehkain ge par dekhega kaun
Dekhna sab raqs-e-bismil mein magan ho jaayengeJis taraf se teer aayega udhar dekhega kaun
Zakhm jitne bhi thhe sab mansoob qaatil se hueTere haathon ke nishan ae chaarah-gar dekhega kaun
Woh hawas ho ya wafa ho baat mehroomi ki haiLog to phal phool dekhenge shajar dekhega kaun
Hum chiragh-e-shab hi jab thhehre to phir kya sochnaRaat thhi kis ka muqaddar aur sahar dekhega kaun
Aa faseel-e-shehar se dekhain ghaneem shehar koShehar jalta ho to tujh ko baam par dekhega kaun
Har koi apni hawa mein mast phirta hai FarazShehar-e-na-pursaan mein teri chashm-e-tar dekhega kaun
