دوست بن کر بھی نہیں ساتھ نبھانے والاوہی انداز ہے ظالم کا زمانے والا
اب اسے لوگ سمجھتے ہیں گرفتار مراسخت نادم ہے مجھے دام میں لانے والا
صبح دم چھوڑ گیا نکہت گل کی صورترات کو غنچۂ دل میں سمٹ آنے والا
کیا کہیں کتنے مراسم تھے ہمارے اس سےوہ جو اک شخص ہے منہ پھیر کے جانے والا
تیرے ہوتے ہوئے آ جاتی تھی ساری دنیاآج تنہا ہوں تو کوئی نہیں آنے والا
منتظر کس کا ہوں ٹوٹی ہوئی دہلیز پہ میںکون آئے گا یہاں کون ہے آنے والا
کیا خبر تھی جو مری جاں میں گھلا ہے اتناہے وہی مجھ کو سر دار بھی لانے والا
میں نے دیکھا ہے بہاروں میں چمن کو جلتےہے کوئی خواب کی تعبیر بتانے والا
تم تکلف کو بھی اخلاص سمجھتے ہو فرازؔدوست ہوتا نہیں ہر ہاتھ ملانے والا
— احمد فراز
Dost ban kar bhi nahin saath nibhane walaWohi andaz hai zalim ka zamane wala
Ab use log samajhte hain giraftar meraSakht nadim hai mujhe dam mein laane wala
Subh-e-dam chhod gaya nikhat-e-gul ki suratRaat ko ghuncha-e-dil mein simat aane wala
Kya kahein kitne marasim the hamare us seWoh jo ek shakhs hai munh pher ke jaane wala
Tere hote hue aa jaati thi saari duniyaAaj tanha hoon to koi nahin aane wala
Muntazir kis ka hoon tooti hui dehleez pe mainKaun aayega yahan kaun hai aane wala
Kya khabar thi jo meri jaan mein ghula hai itnaHai wohi mujh ko sar-e-dar bhi laane wala
Main ne dekha hai baharon mein chaman ko jalteHai koi khwab ki tabeer batane wala
Tum takalluf ko bhi ikhlas samajhte ho FarazDost hota nahin har haath milane wala