سامنے اس کے کبھی اس کی ستائش نہیں کیدل نے چاہا بھی اگر ہونٹوں نے جنبش نہیں کی
اہل محفل پہ کب احوال کھلا ہے اپنامیں بھی خاموش رہا اس نے بھی پرسش نہیں کی
جس قدر اس سے تعلق تھا چلا جاتا ہےاس کا کیا رنج ہو جس کی کبھی خواہش نہیں کی
یہ بھی کیا کم ہے کہ دونوں کا بھرم قائم ہےاس نے بخشش نہیں کی ہم نے گزارش نہیں کی
اک تو ہم کو ادب آداب نے پیاسا رکھااس پہ محفل میں صراحی نے بھی گردش نہیں کی
ہم کہ دکھ اوڑھ کے خلوت میں پڑے رہتے ہیںہم نے بازار میں زخموں کی نمائش نہیں کی
اے مرے ابر کرم دیکھ یہ ویرانۂ جاںکیا کسی دشت پہ تو نے کبھی بارش نہیں کی
کٹ مرے اپنے قبیلے کی حفاظت کے لیےمقتل شہر میں ٹھہرے رہے جنبش نہیں کی
وہ ہمیں بھول گیا ہو تو عجب کیا ہے فرازؔہم نے بھی میل ملاقات کی کوشش نہیں کی
— احمد فراز
Samne us ke kabhi us ki sitaish nahin kiDil ne chaha bhi agar honton ne jumbish nahin ki
Ahl-e-mehfil pe kab ahwaal khula hai apnaMain bhi khamosh raha us ne bhi pursish nahin ki
Jis qadar us se talluq tha chala jaata haiUs ka kya ranj ho jis ki kabhi khwahish nahin ki
Yeh bhi kya kam hai ke donon ka bharam qayam haiUs ne bakhshish nahin ki hum ne guzarish nahin ki
Ek to hum ko adab aadab ne pyasa rakhaIs pe mehfil mein surahi ne bhi gardish nahin ki
Hum ke dukh odh ke khalwat mein pade rehte hainHum ne bazaar mein zakhmon ki numaaish nahin ki
Aye mere abr-e-karam dekh yeh veerana-e-jaanKya kisi dasht pe tu ne kabhi baarish nahin ki
Kat mare apne qabeele ki hifazat ke liyeMaqtal-e-shehr mein thehre rahe jumbish nahin ki
Wo hamein bhool gaya ho to ajab kya hai FarazHum ne bhi mel mulaqaat ki koshish nahin ki