نیند آ گئی تھی منزل عرفاں سے گزر کےچونکے ہیں ہم اب سرحد عصیاں سے گزر کے
آنکھوں میں لیے جلوۂ نیرنگ تماشاآئی ہے خزاں جشن بہاراں سے گزر کے
یادوں کے جواں قافلے آتے ہی رہیں گےسرما کے اسی برگ پرافشاں سے گزر کے
کانٹوں کو بھی اب باد صبا چھیڑ رہی ہےپھولوں کے حسیں چاک گریباں سے گزر کے
وحشت کی نئی راہ گزر ڈھونڈھ رہے ہیںہم اہل جنوں دشت و بیاباں سے گزر کے
بن جائے گا تارا کسی مایوس خلا میںیہ اشک سحر گوشۂ داماں سے گزر کے
آوارگی فکر کدھر لے کے چلی ہےسر منزل آزادئ انساں سے گزر کے
پائی ہے نگاہوں نے تری بزم تمناراتوں کو چناروں کے چراغاں سے گزر کے
اک گردش چشم کرم اک موج نظارہکل شب کو ملی گردش دوراں سے گزر کے
ملنے کو تو مل جائے مگر لے گا بھلا کونساحل کا سکوں شورش طوفاں سے گزر کے
اک نشتر غم اور سہی اے غم منزلآ دیکھ تو اک روز رگ جاں سے گزر کے
اب درد میں وہ کیفیت درد نہیں ہےآیا ہوں جو اس بزم گل افشاں سے گزر کے
— علی جواد زیدی
Neend aa gayi thi manzil-e-irfaan se guzar keChaunke hain hum ab sarhad-e-isyaan se guzar ke
Aankhon mein liye jalwa-e-nairang-e-tamashaAayi hai khazaan jashn-e-bahaaraan se guzar ke
Yaadon ke jawaan qaafile aate hi rahein geSarma ke isi barg-e-pur-afshaan se guzar ke
Kaanton ko bhi ab baad-e-saba chhed rahi haiPhoolon ke haseen chaak-e-girebaan se guzar ke
Wahshat ki nayi raahguzar dhoondh rahe hainHum ahl-e-junoon dasht-o-biyaabaan se guzar ke
Ban jaaye ga taara kisi mayoos khala meinYeh ashk-e-sehar goshah-e-daamaan se guzar ke
Aawaargi-e-fikr kidhar le ke chali haiSar-manzil-e-aazaadi-e-insaan se guzar ke
Paayi hai nigaahon ne teri bazm-e-tamannaRaaton ko chanaaron ke charaaghaan se guzar ke
Ik gardish-e-chashm-e-karam ik mauj-e-nazaaraKal shab ko mili gardish-e-dauraan se guzar ke
Milne ko to mil jaaye magar le ga bhala kaunSaahil ka sukoon shorish-e-toofan se guzar ke
Ik nishtar-e-gham aur sahi ae gham-e-manzilAa dekh to ik roz rag-e-jaan se guzar ke
Ab dard mein woh kaifiyaat-e-dard nahin haiAaya hoon jo is bazm-e-gul-afshaan se guzar ke