تیرے ارد گررد وہ شور تھا ، مری بات بیچ میں رہ گئینہ میں کہہ سکا نہ تو سن سکا ، مری بات بیچ میں رہ گئی
میرے دل کو درد سے بھر گیا ، مجھے بے یقین سا کرگیاتیرا بات بات پہ ٹوکنا ، مری بات بیچ میں رہ گئی
ترے شہر میں مرے ہم سفر، وہ دکھوں کا جم غفیر تھامجھے راستہ نہیں مل سکا ، مری بات بیچ میں رہ گئی
وہ جو خواب تھے مرے سامنے ، جو سراب تھے مرے سامنےمیں انہی میں ایسے الجھ گیا ، مری بات بیچ میں رہ گئی
عجب ایک چپ سی لگی مجھے ، اسی ایک پل کے حصار میںہوا جس گھڑی ترا سامنا ، مری بات بیچ میں رہ گئی
کہیں بے کنار تھیں خواہشیں ، کہیں بے شمار تھیں الجھنیںکہیں آنسوؤں کا ہجوم تھا ، مری بات بیچ میں رہ گئی
تھا جو شور میری صداؤں کا ، مری نیم شب کی دعاؤں کاہوا ملتفت جو مرا خدا ، مری بات بیچ میں رہ گئی
مری زندگی میں جو لوگ تھے ، مرے آس پاس سے اٹھ گئےمیں تو رہ گیا انہیں روکتا ، مری بات بیچ میں رہ گئی
تری بے رخی کے حصار میں ، غم زندگی کے فشار میںمرا سارا وقت نکل گیا ، مری بات بیچ میں رہ گئی
مجھے وہم تھا ترے سامنے ، نہیں کھل سکے گی زباں مریسو حقیقتا بھی وہی ہوا ، مری بات بیچ میں رہ گئی
— امجد اسلام امجد
Tere ird gird woh shor tha, meri baat beech mein reh gayiNa main keh saka na tu sun saka, meri baat beech mein reh gayi
Mere dil ko dard se bhar gaya, mujhe be-yaqeen sa kar gayaTera baat baat pe tokna, meri baat beech mein reh gayi
Tere shehar mein mere humsafar, woh dukhon ka jum-e-ghafeer thaMujhe raasta nahin mil saka, meri baat beech mein reh gayi
Woh jo khwab the mere saamne, jo saraab the mere saamneMain unhin mein aise ulajh gaya, meri baat beech mein reh gayi
Ajab ek chup si lagi mujhe, isi ek pal ke hisaar meinHua jis ghadi tera saamna, meri baat beech mein reh gayi
Kahin be-kinaar theen khwahishein, kahin be-shumaar theen uljhaneinKahin aansuon ka hujoom tha, meri baat beech mein reh gayi
Tha jo shor meri sadaaon ka, meri neem shab ki duaon kaHua multafit jo mera Khuda, meri baat beech mein reh gayi
Meri zindagi mein jo log the, mere aas paas se uth gayeMain toh reh gaya unhein rokta, meri baat beech mein reh gayi
Teri be-rukhi ke hisaar mein, gham-e-zindagi ke fishaar meinMera saara waqt nikal gaya, meri baat beech mein reh gayi
Mujhe waham tha tere saamne, nahin khul sakegi zubaan meriSo haqeeqatan bhi wahi hua, meri baat beech mein reh gayi
