ہیں ایسے بد حواس ہجوم بلا سے ہم – عرش ملسیانی

ہیں ایسے بد حواس ہجوم بلا سے ہماپنا سمجھ کے ملتے ہیں ہر آشنا سے ہم

طوفان سے الجھ گئے لے کر خدا کا نامآخر نجات پا ہی گئے ناخدا سے ہم

پہلا سا وہ جنون محبت نہیں رہاکچھ کچھ سنبھل گئے ہیں تمہاری دعا سے ہم

یوں مطمئن سے آئے ہیں کھا کر جگر پہ چوٹجیسے وہاں گئے تھے اسی مدعا سے ہم

آنے دو التفات میں کچھ اور بھی کمیمانوس ہو رہے ہیں تمہاری جفا سے ہم

خوئے وفا ملی دل درد آشنا ملاکیا رہ گیا ہے اور جو نا مانگیں خدا سے ہم

عادت سی ہو گئی ہے شکایات کی ہمیںبیزار تو نہیں ہیں تمہاری جفا سے ہم

پائے طلب بھی تیز تھا منزل بھی تھی قریبلیکن نجات پا نہ سکے رہنما سے ہم

دنیا سے کچھ لگاؤ نہ عقبیٰ کی آرزوتنگ آ گئے ہیں اس دل بے مدعا سے ہم

ہوتے نشاط عشق سے بھی فیضیاب عرشؔمجبور ہیں مگر دل غم آشنا سے ہم

— عرش ملسیانی