میرے پیارے وطن

Mere watan, pyare watanRahat ke gehware watan

Har dil ke ujiyare watanHar aankh ke tare watan

Gul posh teri wadiyanFarhat nishan rahat rasan

Tere chaman zaron pe haiGulzar-e jannat ka guman

Har shakh phoolon ki chhariHar nakhl-e tooba hai yahan

Kausar ke chashme ja bajaTasneem har aab-e rawan

Har barg rooh-e تازگیHar phool jaan-e gulistan

Har bagh bagh-e dilkashiHar bagh bagh-e be khizan

Dilkash charagahen teriDhoron ke jin mein karwan

Anjum sifat gulhaye nauHar takhta-e gul aasman

Naqsh-e surayya ja bajaHar har rawish ek kahkashan

Teri baharen daimiTeri baharen jawidan

Tujh mein hai rooh-e zindagiPaiham rawan paiham dawan

Dariya woh tere tund khoJheelen woh teri be karan

Sham-e Awadh ke lab pe haiHusn-e azal ki dastan

Kehti hai raaz-e sarmadiSubh-e Banaras ki zaban

Urta hai haft aflak parUn karkhanon ka dhuan

Jin mein hain lakhon mehnatiSanat-gari ke pasban

Teri Banaras ki zariRashk-e hareer-o parniyan

Bidar ki fankari mein hainSanat ki sab barikiyan

Azmat tere iqbal kiTere paharon se ayan

Dariyaon ka pani, teriTaqdees ka andaza-dan

Kya Bharatendu ne kiyaGanga ki lehron ka bayan

Iqbal aur Chakbast hainAzmat ke teri naghma-khwan

Josh-o Firaq-o Pant hainTere adab ke tarjuman

Tulsi-o Khusro hain teriTareef mein ratb-ul-lisan

Gate hain naghma mil ke sabOoncha rahe tera nishan

Mere watan, pyare watanRahat ke gehware watan

Har dil ke ujiyare watanHar aankh ke tare watan

Tere nazaron ke nageenDuniya ki khatam mein nahin

Sare jahan mein muntakhibKashmir ki arz-e haseen

Fitrat ka rangeen mojizaFirdaus bar rooye zameen

Firdaus bar rooye zameenHaan haan hameen ast-o hameen

Sar sabz jis ke dasht hainJis ke jabal hain surmageen

Mewe ba-kasrat hain jahanSheereen misal-e انگبیں

Har zafran ke phool meinAks-e jamal-e hoor-e ain

Woh Malwe ki chandniGum jis mein hon duniya-o deen

Is khitta-e nairang meinHar ek faza husn-afreen

Har shai mein husn-e zindagiDilkash makan dilkash zameen

Har mard mard-e khoob-roHar ek aurat nazneen

Woh Taj ki khush-paikariHar zawiye se dilnasheen

Sanat-garon ke daur kiEk yadgar-e marmareen

Hoti hai jo har sham koFaiz-e shafaq se ahmareen

Dariya ki maujon se alagYa ek bat-e nazara-been

Ya tair-e noori koiParwaz karne ke qareen

Ya ahl-e duniya se alagEk abid-e uzlat-gazeen

Naqsh-e Ajanta ki qasamJachta nahin Arzhang-e Cheen

Shan-e Ellora dekh karJhukti hai Azar ki jabeen

Chittor ho ya AgraAise nahin qile kahin

But-gar ho ya naqqash hoTu sab ki azmat ka ameen

Mere watan, pyare watanRahat ke gehware watan

Har dil ke ujiyare watanHar aankh ke tare watan

Dilkash tere dasht-o chamanRangeen tere shahr-o chaman

Tere jawan rana jawanTere haseen gul-pairahan

Ek anjuman duniya hai yehTu is mein sadr-e anjuman

Tere mughanni khush-nawaShair tere sheereen-sukhan

Har zarra ek mah-e mubeenHar khar rashk-e nastareen

Ghuncha tere sahra ka haiEk nafa-e mushk-e Khutan

Kankar hain tere be-bahaPatthar tere lal-e Yaman

Basti se jangal khoob-tarBaghon se husn-afroz ban

Woh mor woh kabk-e dariWoh chaukri bharte hiran

Rangeen-ada woh titliyanBabni mein woh nagon ke phan

Woh sher jin ke naam seLarze mein aaye Ahriman

Kheton ki barkat se ayanFaizan-e Rab-e zul-minan

Chashmon ke sheereen aab seLazzat-kashan kaam-o dahan

Tabinda tera ahd-e nauRoshan tera ahd-e kohan

Kitnon ne tujh par kar diyaQurban apna maal dhan

Kitne shaheedon ko mileTere liye dar-o rasan

Kitnon ko tera ishq thaKitnon ko thi teri lagan

Tere jafa-kash mehnatiRakhte hain azm-e kohkan

Tere sipahi surmaBe-misl yakta-e zaman

Bhishm sa jin mein hauslaArjun sa jin mein bankpan

Alim jo fakhr-e ilm hainFankar nazan jin pe fan

Rai-o Bose-o Sher GulDinkar, Jigar, Maithili Sharan

Vallathol, Mahir, BharatiBachchan, Mahadevi, Suman

Krishnan, Nirala, Prem ChandTagore-o Azad-o Raman

Mere watan, pyare watanRahat ke gehware watan

Har dil ke ujiyare watanHar aankh ke tare watan

Kheti teri har ek hariDilkash teri khush-manzari

Teri bisat-e khak keZarre hain mehr-o mushtari

Jhelum Kaveri Nag wohGanga ki woh Gangotri

Woh Narmada ki tamkanatWoh shaukat-e Godavari

Pakizgi Saryu ki wohJamuna ki woh khush-gauhari

Dilruba aab-e neelgunKashmir ki Neelam pari

Dilkash papihe ki sadaKoyal ki tanen mad-bhari

Teetar ka woh haq sarahToti ka woh wird-e Hari

Sufi tere har daur meinKarte rahe paighambari

Chishti-o Nanak se miliFaqr-o ghina ko bartari

Adl-e Jahangiri mein thiMuzmar raiyat-parwari

Woh nauratan jin se huiTehzeeb-e daur-e Akbari

Rakhte the Afghan-o MughalEk saulat-e Sikandari

Ranaon ke iqbal kiHoti hai kis se hamsari

Sawant woh yodha tereTere jiyale woh jari

Neeti Vidur ki aaj takKarti hai teri rahbari

Ab tak hai mashhoor-e zamanChanakya ki danishwari

Vyas aur Vishwamitra seMuniyon ki shan-e Qaisari

Patanjali-o Sankh seRishiyon ki hikmat-parwari

Bakhse tujhe inaam-e nauHar daur-e charkh-e chambari

Khush-gauhari de aab koAur khak ko khush-jauhari

Zarron ko mehr-afshaniyanQatron ko dariya-gustari

Mere watan, pyare watanRahat ke gehware watan

Har dil ke ujiyare watanHar aankh ke tare watan

Tu rahbar-e nau-e basharTu aman ka paigham-bar

Pale hain tu ne god meinSahib-e khirad sahib-e nazar

Afzal-tareen un sab mein haiBapu ka naam-e motabar

Har lafz jis ka dilnasheenHar baat jis ki pur-asar

Jis ne lagaya dahr meinNara yeh be-khauf-o khatar

Bekar hain teer-o sinanBesud hain tegh-o tabar

Hinsa ka rasta jhoot haiHaq hai ahinsa ki dagar

Darman hai yeh har dard kaYeh har maraz ka chara-gar

Jangah-e alam mein koiIs se nahin behtar sipar

Karta hoon main tere liyeAb yeh dua-e mukhtasar

Raunaq pe hon tere chamanSarsabz hon tere shajar

Nakhl-e umeed-e behtariHar fasl mein ho barwar

Koshish ho duniya mein koiKhitta na ho zer-o zabar

Tera har ek basi raheNeku-sifat neku-seer

Har zan saleeqa-mand hoHar mard ho sahib-e hunar

Jab tak hain yeh arz-o falakJab tak hain yeh shams-o qamar

Mere watan, pyare watanRahat ke gehware watan

Har dil ke ujiyare watanHar aankh ke tare watan