تم نہ آؤ تو نامہ بر ہی سہی – عرش ملسیانی

تم نہ آؤ تو نامہ بر ہی سہیمبتدا ہو نہ ہو خبر ہی سہی

اس کے سائے میں دم تو لیتا ہوںشاخ امید بے ثمر ہی سہی

دل کی نکلی تو ہے بھڑاس ذراآہ بیگانۂ اثر ہی سہی

اور تو آپ سے نہ کچھ ہوگامہربانی کی اک نظر ہی سہی

چھوڑ واعظ ریا کو جام اٹھاخیر ممکن نہیں تو شر ہی سہی

ایک مدت سے سن رہا ہے جہاںداستاں میری مختصر ہی سہی

کیوں ہے نا معتبر کرم ان کازندگی درد معتبر ہی سہی

نور افزا ہے یاد چہرۂ دوسترات فرقت کی بے سحر ہی سہی

ہے یہی میرا کعبۂ مقصودسجدہ کرنے کو تیرا در ہی سہی

روز منت کش دوا تو نہ ہوزندگی ایک درد سر ہی سہی

کچھ تمہیں بھی تو رحم لازم ہےمیری فریاد بے اثر ہی سہی

عرشؔ بیگانۂ ہنر تو نہ رہعیب کرنے کا اک ہنر ہی سہی

— عرش ملسیانی