یقین محکم کا ہے سہارا یہی عمل کارگر ہے پیارے – عرش ملسیانی

یقین محکم کا ہے سہارا یہی عمل کارگر ہے پیارےعلاج درج نہاں یہی ہے اسی دوا میں اثر ہے پیارے

تری نگاہوں میں ہیں سمائے جمال ہستی جلال معنینہ دیکھ تو اور کی نظر سے تری نظر معتبر ہے پیارے

نہیں تری راہ راہ مشکل ہے رہبر راہ خود ترا دلترے قدم میں ہے تیری منزل طویل بے شک سفر ہے پیارے

نہ ہے حسینوں میں کج ادائی نہ زندگی میں کوئی برائیہے نیکیوں ہی کا گھر خدائی اگر تو خود خود نگر ہے پیارے

ترے ہی دل میں ہے جلوہ فرما بتوں کی صورت خدا کا جادویہی ہے دیر اور یہی ہے کعبہ یہی محبت کا گھر ہے پیارے

کہاں چھپے گا وہ ماہ پیکر تو ہو نہ مایوس دید دم بھرہوں لاکھ پردے رخ حسیں پر تری نظر بھی نظر ہے پیارے

ہیں تیرے اشعار عرشؔ ایسے رموز ہوں زندگی کے جیسےتجھے نہ دیں لوگ داد کیسے بڑا ہی تو نکتہ ور ہے پیارے

— عرش ملسیانی