ظفر

Subh-e Farghana mein thi aur hui rangon mein shaamAal-e Taimur ki aashufta-sari tujh ko salam

Lam'a-e aakhir Khurshid Sirajuddin thaMaqta-e dard-faza ghazal-e rangeen tha

Woh shah-e nek-nafas nek-nasab nek-nazhadWoh shah-e nek-nazar nek-nishan nek-nihaad

Paikar-e khulq-o-wafa khugar-e a'maal-e hasanKhusrau-e fikr-e rasa badshah-e fahm-o-fitan

Sahib-e tarz-e nau malik-e andaz-e kuhanFakhr-e deen fakhr-e zameen fakhr-e zaman fakhr-e zaman

Lal Qile ka woh sufi woh mohabbat ka ameenJis ki mitti se bhi mahroom hai Dilli ki zameen

Martaba-dan-e adeeban-o-hakeeman-e watanQadr-dan-e sher ai hama-dan-o-hama-fan

Ghalib-o-Zauq ke afkar ka woh qadr-shanasJis ko tha Momin-o-Aazurda ki azmat ka paas

Arz-e Dilli ne baghawat ka jab ilan kiyaSurkh-ru ho gaya aulad ko qurban kiya

Jab bidesi ki hukumat se zameen tang huiIsi qaa'id ki qiyadat mein bari jang hui

Jis ka darbar tha ek majma-e aali-nafasanJis jagah Kausar-o-Tasneem se dhulti thi zaban

Saaz-e Hindi ki nawa naghma-e Urdu ki sadaJis ke ashaar se aati hai ukhuwwat ki nida

Mard-e darwesh sharafat ka gunahgar bhi thaParsa rind bhi tha shair-e deendar bhi tha

Jis ko kehte hain zameenon ka shah-e arsh-nishanMushkil asnaf-e sukhan jis ke liye the aasan

Na ho agarche Zafar mand-o-Zafar yaab magarFalak-e sher pe tabinda hai az naam-e Zafar