دل کے صحرا پر دیتے ہیں جب اشکوں کے ساگر دستکروح کے سناٹے میں سنتا ہوں میں اندر باہر دستک
اب تک ہر شب سوتے سوتے چونک اٹھتا ہوں تنہائی میںمدت بیتی میں نے سنی تھی اک شب اپنے در پر دستک
شام کا ڈھلتا سورج دور افق پر ٹھہرا سوچ رہا ہےکب شب بیتے اور وہ دے پھر صبح کے دروازے پر دستک
بھیگی شب کے سناٹے میں ایسے اس کا دھیان آتا ہےجیسے کسی تالاب کے پانی پر دیتا ہے کنکر دستک
اب تک ذہن پہ منڈلاتی ہے دکھ سی پیلی شام سلونیدل میں آس نراس کی الجھن میں تنہا اس کا در دستک
ابھی تو امیدوں نے شیش محل میں رہنے کی سوچی تھیابھی سے کیوں دیتے ہیں در پر محرومی کے پتھر دستک
تن کا خالی برتن چھن سے بج اٹھا آزاد جب اس نےاس پر اک شب دے دی پہن کر اک خواہش کی جھانجھر دستک
— آزاد گلاٹی
Dil ke sehra par dete hain jab ashkon ke saagar dastakRooh ke sannate mein sunta hoon main andar bahar dastak
Ab tak har shab sote sote chaunk uthta hoon tanhai meinMuddat beeti main ne suni thi ik shab apne dar par dastak
Shaam ka dhalta suraj door ufuq par thehra soch raha haiKab shab beete aur woh de phir subh ke darwaze par dastak
Bheegi shab ke sannate mein aise us ka dhyan aata haiJaise kisi talaab ke paani par deta hai kankar dastak
Ab tak zehn pe mandlati hai dukh si peeli shaam saloniDil mein aas niraas ki uljhan mein tanha us ka dar dastak
Abhi to ummeedon ne sheesh mahal mein rehne ki sochi thiAbhi se kyun dete hain dar par mehroomi ke patthar dastak
Tan ka khaali bartan chhan se baj utha Azad jab us neUs par ik shab de di pehan kar ik khwahish ki jhanjhar dastak