بدل گئی ہیں اگرچہ ضرورتیں اپنیہمارے ساتھ ہیں اب تک روایتیں اپنی
ہمیں حیات کا ہر لمحہ تب بھی دوزخ تھاہمارے پاؤں تلے جب تھیں جنتیں اپنی
وہ پھول اب کھلے جن کی تلاش میں ہم لوگگنوا چکے ہیں کبھی کے بصارتیں اپنی
رہے ہیں اپنی ہی پہچان میں یوں سرگرداںکہ یاد آتی نہیں ہم کو صورتیں اپنی
بکے ہیں کوڑیوں کے بھاؤ تو گلہ کس سےہمیں کو خود نہ تھیں معلوم قیمتیں اپنی
خموشیوں کی صدائیں بلا رہی تھیں ہمیںنہ ساتھ دے سکیں لیکن سماعتیں اپنی
سبھی کو دعویٰ ہے آزادؔ جانتے ہیں ہمیںکھلیں نہ ہم پہ ہی لیکن حقیقتیں اپنی
— آزاد گلاٹی
Badal gai hain agarche zaruratein apniHamare saath hain ab tak riwayatain apni
Hamein hayat ka har lamha tab bhi dozakh thaHamare paon tale jab theen jannatein apni
Wo phool ab khule jin ki talaash mein hum logGanwa chuke hain kabhi ke basaratain apni
Rahe hain apni hi pehchan mein yun sargardanKe yaad aati nahin hum ko sooratain apni
Bike hain kodiyon ke bhaao to gila kis seHamein ko khud na theen maloom qeematain apni
Khamoshiyon ki sadaen bula rahi theen hameinNa saath de sakein lekin sama'atain apni
Sabhi ko dawa hai Azadؔ jaante hain hameinKhulein na hum pe hi lekin haqeeqatain apni
