زلف جو رخ پر ترے اے مہر طلعت کھل گئیہم کو اپنی تیرہ روزی کی حقیقت کھل گئی
کیا تماشا ہے رگ لیلیٰ میں ڈوبا نیشترفصد مجنوں باعث جوش محبت کھل گئی
دل کا سودا اک نگہ پر ہے تری ٹھہرا ہوانرخ تو کیا پوچھتا ہے اب تو قیمت کھل گئی
آئینے کو ناز تھا کیا اپنے روئے صاف پرآنکھ ہی پر دیکھتے ہی تیری صورت کھل گئی
تھی اسیران قفس کو آرزو پرواز کیکھل گئی کھڑکی قفس کی کیا کہ قسمت کھل گئی
تیرے عارض پر ہوا آخر غبار خط نمودکھل گئی آئینہ رو دل کی کدورت کھل گئی
بے تکلف آئے تم کھولے ہوئے بند قبااب گرہ دل کی ہمارے فی الحقیقت کھل گئی
باندھی زاہد نے توکل پر کمر سو بار چستلیکن آخر باعث سستی ہمت کھل گئی
کھلتے کھلتے رک گئے وہ ان کو تو نے اے ظفرؔسچ کہو کس آنکھ سے دیکھا کہ چاہت کھل گئی
— بہادرشاہ ظفر
Zulf jo rukh par tere ae mehr-e-tal'at khul gaīHum ko apni teera-rozī ki haqeeqat khul gaī
Kya tamāshā hai rag-e-Laila mein ḍūbā nishtarFaṣd-e-majnūñ bā'is-e-josh-e-mohabbat khul gaī
Dil ka saudā ik nigah par hai teri ṭhehrā huaNarkh to kya pūchhtā hai ab to qeemat khul gaī
Āīne ko nāz tha kya apne rū-e-ṣāf parAankh hi par dekhte hi teri ṣoorat khul gaī
Thi aseerāñ-e-qafas ko aarzoo-e-parwāz kiKhul gaī khaṛkī qafas ki kya ki qismat khul gaī
Tere aariz par hua ākhiir ghubār-e-khat numūdKhul gaī āīna-ru-e-dil ki kadūrat khul gaī
Be-takalluf aaye tum khole hue band-e-qabāAb girah-e-dil ki hamāre fil-haqeeqat khul gaī
Bāñdhī zāhid ne tawakkul par kamar sau bār chustLekin ākhiir bā'is-e-sustī-e-himmat khul gaī
Khulte khulte ruk gaye wo un ko tu ne ae ZafarSach kaho kis aankh se dekhā ki chāhat khul gaī