دلِ سوختہکبھی بول بھی
جو اسیر کہتے تھے خود کو تیری اداؤں کے وہ کہاں گئےجو سفیر تھے تیر ی چاہتوں کی فضاؤں کے وہ کہاں گئے
وہ جو مُبتلائے سفر تھے تیرے خیال میںوہ جو دعویدار تھے عمر بھر کی وفاؤں کے وہ کہاں گئے
کبھی کوئی راز تو کھول بھیکبھی بول بھی
دلِ نا خداکبھی بول بھی
جو تیرے سفینۂ دار و غم کے سوار تھےجو تیرے وظیفۂ چشمِ نم پہ نثار تھے
وہ جو ساحلوں پہ اُ تر گئے تو پھر اُس کے بعد پلٹ کے آئے کبھی نہیںتیری لہر لہر پہ جن کے نقش و نگار تھے
کسی دن ترازوئے وقت پراُنہیں تول بھی
کبھی بول بھیوہ جو تیرے نغمۂ زیرو بم کے امین تھے
جو تیرے طفیل بلندیوں کے مکین تھےو ہ جو معترف تھے تیری نگاہِ نیاز کے
تمھیں جن پہ سو سو یقین تھےوہ چکا گئے تیرا مول بھی
کبھی بول بھیکبھی بول بھی،
دلِ سوختہ!دلِ نا خدا!
دلِ بے نوا!کبھی بول بھی _
— فرحت عباس شاہ
Dil-e-SukhtaKabhi bol bhi
Jo aseer kehte the khud ko teri adaon ke woh kahan gayeJo safeer the teri chahaton ki fazaon ke woh kahan gaye
Woh jo mubtala-e-safar the tere khayal meinWoh jo davedaar the umar bhar ki wafaon ke woh kahan gaye
Kabhi koi raaz to khol bhiKabhi bol bhi
Dil-e-Na KhudaKabhi bol bhi
Jo tere safeena daar o gham ke sawar theJo tere wazifa chashm-e-nam pe nisaar the
Woh jo sahilon pe utar gaye to phir us ke baad palat ke aaye kabhi nahinTeri lehar lehar pe jin ke naqsh o nigaar the
Kisi din tarazu-e-waqt parUnhein tol bhi
Kabhi bol bhiWoh jo tere naghma zeero bam ke ameen the
Jo tere tufail bulandiyon ke makeen theWoh jo mo'tarif the teri nigaah-e-niyaaz ke
Tumhein jin pe sau sau yaqeen theWoh chuka gaye tera mol bhi
Kabhi bol bhiKabhi bol bhi,
Dil-e-Sukhta!Dil-e-Na Khuda!
Dil-e-Be Nawaa!Kabhi bol bhi _
