رابعہ!او میری اجنبی رابعہ
مجھ کو کب علم تھااتنی صدیوں پرانی شناسائی یوں پل بھر میں نکل آۓ گی
اجنبیت کی دہلیز سےاور پھر اپنی معصوم دلدار آنکھوں سے جھانکے گی
عمروں کے ویران دل میںزمانوں کے زندان میں
رابعہ!رات میلے کے شوروشغب میں تیرے حسن کی خامشی
یوں اچانک میرے دل کے مندر کے محراب میں گنگنائیکہ جیسے عبادت کے لمحوں میں روٹھی ہوئی کوئی دیرینہ خواہش
دعاؤں کے گیتوں بھرے تار چھوتی ہوئی جل اٹھےرابعہ!
میں تو مبہوت تھااور گھبرا کے میں نے کوئی بے تکی بات کرنے کی کوشش بھی کی تھی
مگرمیری اپنی اداسی نے مجھ کو سہارا دیا
رابعہ!میرے ساتھی میری بے قراری پہ حیران تھے
اور منصور تو مستقل ہی بضد تھاکہ فرحت چلو اس سے ملتے ہیں
اور پو چھتے ہیں کہ کس آسماں سے زمیں پہ اتاری گئی ہوتمہیں علم ہے؟
کہ یہ لڑکا تجھے دیکھتے ہی جو ٹھٹھکا ہے ٹھنڈی ہوا کی طرحکون ہے؟ یہ کوئی عام لڑکا نہیں ہے
محبت کا بھگوان ہےاور اداسی کا سلطان ہے
اور غموں کے جہانوں کا ایمان ہےرابعہ!
واقعہ چند گھڑیوں کا ہو گا مگرآنسوؤں کے مہ و سال ایسی ہی گھڑیوں سے
ایسے ہی لمحوں سے پیدا ہوئے ہیں محبت کی تاریخآج کی رات
میلے کے شوروشغب سے نکل کر محبت کی تاریخ پر پھیلتی جا رہی ہےیہ بے کار محدود صدیاں مجھے یوں تکے جارہی ہیں
کہ جیسے مرے آنسوؤں کے ازل اور ابدسے پریشان ہوںمیری افسردگی اور جدائی کے پھیلاؤ میں
چند لمحوں کی مہمان ہوںرابعہ!
او میری اجنبی رابعہکیا تمہیں رات میلے میں اترا ہوا ایک گم سم ستارہ
کبھی یاد آئے گا دل کے کسی موڑ پریا سمندر کے سینے پہ برسی ہوئی بارشوں کی طرح
کوئی نام ونشاں ہی نہ باقی رہے گا
— فرحت عباس شاہ
Raabia!O meri ajnabi Raabia
Mujh ko kab ilm thaItni sadiyon purani shanasai yoon pal bhar mein nikal aaye gi
Ajnabiyat ki dehleez seAur phir apni masoom dildaar aankhon se jhankay gi
Umron ke veeran dil meinZamanon ke zindaan mein
Raabia!Raat mele ke shor-o-shaghab mein tere husn ki khamoshi
Yoon achaanak mere dil ke mandir ke mehrab mein gungunaiKe jaise ibaadat ke lamhon mein roothi hui koi dareena khwahish
Duaon ke geeton bhare taar chhooti hui jal utheRaabia!
Main to mabhoot thaAur ghabra ke main ne koi be-tukki baat karne ki koshish bhi ki thi
MagarMeri apni udasi ne mujh ko sahara diya
Raabia!Mere saathi meri beqarari pe hairan the
Aur Mansoor to mustaqil hi ba-zid thaKe Farhat chalo us se milte hain
Aur poochhte hain ke kis aasman se zameen pe utari gayi hoTumhein ilm hai?
Ke yeh ladka tujhe dekhte hi jo thithka hai thandi hawa ki tarahKaun hai? Yeh koi aam ladka nahin hai
Mohabbat ka bhagwan haiAur udasi ka sultan hai
Aur ghamon ke jahanon ka imaan haiRaabia!
Waqia chand ghadiyon ka hoga magarAansuon ke mah-o-saal aisi hi ghadiyon se
Aise hi lamhon se paida hue hain mohabbat ki tareekhAaj ki raat
Mele ke shor-o-shaghab se nikal kar mohabbat ki tareekh par phailti ja rahi haiYeh bekar mahdood sadiyan mujhe yoon take ja rahi hain
Ke jaise mere aansuon ke azal aur abad se pareshan honMeri afsurdagi aur judai ke phailao mein
Chand lamhon ki mehman honRaabia!
O meri ajnabi RaabiaKya tumhein raat mele mein utra hua ek gum sum sitara
Kabhi yaad aaye ga dil ke kisi mod parYa samandar ke seene pe barsi hui barishon ki tarah
Koi naam-o-nishaan hi na baqi rahega
