آگہی اور آگہی دیجیے آگہی کچھ اورتیرگی گھور گھور ہے پھینکیے روشنی کچھ اور
اس کا خدا صنم صنم اس کا خدا حرم حرمعشق کی گمرہی کچھ اور عقل کی گمرہی کچھ اور
اس کی تہی ہے جیب اور اس کا دماغ ہے تہیاس کی ہے مفلسی کچھ اور اس کی ہے مفلسی کچھ اور
ناز ترا چمن چمن راز ترا دہن دہنکہتی ہے تیرگی کچھ اور کہتی ہے روشنی کچھ اور
کہتی ہے دوپہر کی دھوپ میرا مزاج گرم ہےلیکن اجالی رات میں کہتی ہے چاندنی کچھ اور
بد ہے کوئی نہ نیک ہے دونوں کا مقصد ایک ہےگرچہ ہے رہزنی کچھ اور گرچہ ہے رہبری کچھ اور
گرچہ خدا کو آپ نے ماہ لقا بنا دیااس کے فراق میں جمیلؔ کیجئے شاعری کچھ اور
— جمیل مظہری
Aagahi aur aagahi dejiye aagahi kuch aurTeergi ghoor ghoor hai phenkiye raushni kuch aur
Us ka khuda sanam sanam us ka khuda haram haramIshq ki gumrahi kuch aur aql ki gumrahi kuch aur
Us ki tihi hai jeeb aur us ka dimaagh hai tihiUs ki hai muflisi kuch aur us ki hai muflisi kuch aur
Naaz tera chaman chaman raaz tera dahan dahanKahti hai teergi kuch aur kahti hai raushni kuch aur
Kahti hai dopahar ki dhoop mera mizaaj garm haiLekin ujaali raat mein kahti hai chandni kuch aur
Bad hai koi na nek hai donon ka maqsad ek haiGarcha hai rahzani kuch aur garcha hai rahbari kuch aur
Garcha khuda ko aap ne maah-liqa bana diyaUs ke firaaq mein Jameel keejiye shayari kuch aur
فرہنگ
تشریح
اس غزل میں شاعر روشنی اور تیرگی، عشق اور عقل، اور خدا کے مختلف تصورات کو ایک دوسرے کے مقابل رکھ کر ان کے باہمی تضاد کو نمایاں کرتا ہے۔
شاعر کا لہجہ طنزیہ اور فکری ہے، جس میں ہر چیز کے کئی رخ دکھائے گئے ہیں۔
مقطع میں وہ کہتا ہے کہ خدا کو محبوب کی طرح بیان کرنے کے باوجود اس کے فراق میں شاعری کا رنگ کچھ اور ہی ہو جاتا ہے، یعنی جذبے کا اظہار اپنی الگ صورت اختیار کر لیتا ہے۔