تو نے سینے کو جب تک خلش دی نہ تھی تو نے جذبوں کو جب تک ابھارا نہ تھامیں وہ دریا تھا جس میں کہ لہریں نہ تھیں میں وہ قلزم تھا جس میں کہ دھارا نہ تھا
تیرے آگے نہ یاران خود سر جھکے تیری چوکھٹ سے بھاگے تو در در جھکےاس جگہ دل جھکے اس جگہ سر جھکے بندگی کے سوا کوئی چارا نہ تھا
اشک موتی نہ تھے بہہ گئے بہہ گئے ہنستے ہنستے یہ تم آج کیا کہہ گئےیاد کر کے وہ دن ہم بھی چپ رہ گئے جب ان آنکھوں میں آنسو گوارا نہ تھا
ساز فریاد کے دل نے چھیڑے نہ تھے ہجر اور وصل کے یہ بکھیڑے نہ تھےہم نے دامن کے بخیے ادھیڑے نہ تھے تم نے زلفوں کو اپنی سنوارا نہ تھا
تجھ میں دریا کوئی کس سہارے چلے میں جو پچھم تو پورب کو دھارے چلےمیری کشتی کنارے کنارے چلے تیری موجوں کو یہ بھی گوارا نہ تھا
دیکھ پروانوں کے رقص بیتاب کو شمع آنے نہ دے آنکھ میں خواب کوایک جھپکی سی آئی تھی مہتاب کو آنکھ کھولی تو کوئی ستارا نہ تھا
ایک تنور سے شعلے اٹھا کیے آگ جلتی رہی لوگ تاپا کیےدور بیٹھے وہ پہلو بچایا کیے جن کی قسمت میں کوئی شرارا نہ تھا
دونوں افسانہ خواں گرد محمل کے تھے قیس صحرا کا تھا خضر منزل کے تھےمظہریؔ بھی غلام اپنے ہی دل کے تھے ان دوانوں میں کوئی تمہارا نہ تھا
— جمیل مظہری
Tu ne seene ko jab tak khalish di na thi tu ne jazbon ko jab tak ubhaara na thaMain woh darya tha jis mein ke lahrein na theen main woh qulzum tha jis mein ke dhaara na tha
Tere aage na yaaraan-e-khud-sar jhuke teri choukhat se bhaage to dar dar jhukeIs jagah dil jhuke is jagah sar jhuke bandagi ke siwa koi chaara na tha
Ashk moti na the beh gaye beh gaye hanste hanste yeh tum aaj kya kah gayeYaad kar ke woh din hum bhi chup rah gaye jab in aankhon mein aansu gowaara na tha
Saaz fariyaad ke dil ne chhede na the hijr aur wasl ke yeh bakheede na theHum ne daaman ke bakhiye udhede na the tum ne zulfon ko apni sanwaara na tha
Tujh mein darya koi kis sahaare chale main jo pachham to poorab ko dhaare chaleMeri kashti kinaare kinaare chale teri maujon ko yeh bhi gowaara na tha
Dekh parwanon ke raqs-e-betaab ko shama aane na de aankh mein khwaab koEk jhapki si aayi thi mahtaab ko aankh kholi to koi sitara na tha
Ek tannoor se shole utha kiye aag jalti rahi log taapa kiyeDoor baithe woh pehlu bachaya kiye jin ki qismat mein koi sharara na tha
Donon afsanah-khwaan gird-e-mahmil ke the Qais sahra ka tha Khizr manzil ke theMazhari bhi ghulaam apne hi dil ke the in dewanon mein koi tumhara na tha
فرہنگ
تشریح
اس غزل میں عاشق اپنے محبوب سے شکوہ بھی کرتا ہے اور اس کی محبت کا اعتراف بھی۔ شاعر بتاتا ہے کہ محبوب کی توجہ اور دل آزاری سے پہلے اس کے جذبات سوئے ہوئے تھے، اور محبوب کے در پر آ کر سب خودسر دل جھک جاتے ہیں۔ لہجہ حسرت، گلے اور سپردگی کے امتزاج کا ہے۔ ایک نمایاں شعر میں شاعر کہتا ہے کہ ہنستے ہنستے بہائے گئے آنسو تو محبوب نے کیا کہہ دیا، اور وہ دن یاد کر کے شاعر چپ رہ گیا۔