جب پاؤں ملا تھا تو رستے بھی نظر آتےتم تک نہ سہی لیکن تا حد نظر جاتے
تم آنکھ نہیں رکھتے اور دیکھتے ہو سب کچھہم آنکھ بھی رکھتے ہیں اور دیکھ نہیں پاتے
ہر راہ تو منزل تک لے جاتی نہیں سب کوکچھ دیر ادھر چلتے کچھ دیر ادھر جاتے
پردہ وہ اٹھایا تو پردہ ہی نظر آیاجب کچھ نہ نظر آیا تو کیوں نہ ٹھہر جاتے
یہ عشق نہیں یہ ہے کم بینی و کم عقلیاک لطف تبسم پر اتنا نہیں اتراتے
جو ہو نہ جمیلؔ اپنا اوروں کا وہ کیا ہوگاکیا کھاؤ گے غم میرا تم اپنا ہی غم کھاتے
— جمیل مظہری
Jab paon mila tha to raste bhi nazar aateTum tak na sahi lekin ta hadd-e-nazar jaate
Tum aankh nahin rakhte aur dekhte ho sab kuchHum aankh bhi rakhte hain aur dekh nahin paate
Har rah to manzil tak le jaati nahin sab koKuch der idhar chalte kuch der idhar jaate
Pardah woh uthaya to pardah hi nazar aayaJab kuch na nazar aaya to kyun na thahar jaate
Yeh ishq nahin yeh hai kam-beeni-o-kam-aqliEk lutf-e-tabassum par itna nahin itraate
Jo ho na Jameel apna auron ka woh kya hogaKya khao ge gham mera tum apna hi gham khaate
فرہنگ
تشریح
اس غزل میں شاعر محبوب سے شکوہ اور اپنی بے بسی کا اظہار کرتا ہے۔ وہ کہتا ہے کہ اگر قدم اٹھانے کی ہمت ہوتی تو راستے بھی نظر آتے اور منزل کی جانب بڑھنا ممکن ہوتا۔ شاعر کا لہجہ شکایت آمیز مگر دل نشیں ہے، اور وہ عشق کی بے نتیجگی پر طنز بھی کرتا ہے۔ مثلاً "تم آنکھ نہیں رکھتے اور دیکھتے ہو سب کچھ، ہم آنکھ بھی رکھتے ہیں اور دیکھ نہیں پاتے" کے شعر میں محبوب کی بے پروائی اور عاشق کی محرومی نمایاں ہے۔ آخری شعر میں شاعر اپنی حالت پر طنز کرتا ہے کہ اپنا غم سنبھالو، میرا غم کھانے کی ضرورت نہیں۔