اگر اس گلشن ہستی میں ہونا ہی مقدر تھاتو میں غنچوں کی مٹھی میں دل بلبل ہوا ہوتا
گناہوں میں ضرر ہوتا، دعاؤں میں اثر ہوتامحبت کی نظر ہوتا، حسینوں کی ادا ہوتا
فروغ چہرۂ محنت، غبار دامن دولتنم پیشانیٔ غیرت، خم زلف رسا ہوتا
ہوا ہوتا کسی دستار کج پر پھول کی طرحاور اس دستار کج کی تمکنت پر ہنس رہا ہوتا
کسی مغرور کی گردن پہ ہوتا بوجھ احساں کاکسی ظالم کے دل میں درد ہو کر لا دوا ہوتا
کسی منعم کے چہرہ پر خوشی حاجت روائی کیکسی نادار کی نظروں میں شرم التجا ہوتا
کسی بھٹکے ہوئے راہی کو دیتا دعوت منزلبیاباں کی اندھیری شب میں جوگی کا دیا ہوتا
کسی کے کلبۂ احزاں میں شمع مضمحل بن کرکسی بیمار مفلس کے سرہانے رو رہا ہوتا
شرر بن کر کسی نادار گھر کے سرد چولھے میں''بصد امید فردا'' زیر خاکستر دبا ہوتا
یتیم بے نوا کی رہگزر پر اشرفی بن کرلئیم فاقہ کش کی جیب ممسک سے گرا ہوتا
نیستاں سے نکل کر حسرت آباد تمدن میںگدائے پیر و نا بینا کے ہاتھوں کا عصا ہوتا
شکستہ جھونپڑے میں بانسریٔ دہقاں کی سر بن کرسکوت نیم شب میں راز ہستی کہہ رہا ہوتا
غرض اس حسرت و اندوہ و یاس و غم کی بستی میںکہیں دور آفریں ہوتا، کہیں درد آشنا ہوتا
''ڈبویا مجھ کو ہونے نے'' بقول غالب دانا''نہ تھا کچھ تو خدا تھا، کچھ نہ ہوتا تو خدا ہوتا''
— جمیل مظہری
Agar is gulshan-e-hasti mein hona hi muqaddar thaTo mein ghunchon ki mutthi mein dil-e-bulbul hua hota
Gunaahon mein zarar hota, duaon mein asar hotaMuhabbat ki nazar hota, haseenon ki ada hota
Farogh-e-chehra-e-mehnat, ghubaar-e-daaman-e-daulatNam-e-paeshaani-e-ghairat, kham-e-zulf-e-rasa hota
Hua hota kisi dastaar-e-kaj par phool ki tarahAur is dastaar-e-kaj ki tamkanat par hans raha hota
Kisi maghroor ki gardan pe hota bojh ihsaan kaKisi zaalim ke dil mein dard ho kar la dawa hota
Kisi mun'im ke chehra par khushi haajat rawai kiKisi naadaar ki nazron mein sharm-e-iltija hota
Kisi bhatke hue raahi ko deta da'wat-e-manzilBiyabaan ki andheri shab mein jogi ka diya hota
Kisi ke kulba-e-ahzaan mein shama-e-muzmahil ban karKisi beemaar-e-muflis ke sarhaane ro raha hota
Sharar ban kar kisi naadaar ghar ke sard choolhe mein"Ba-sad ummeed-e-farda" zer-e-khaakastar daba hota
Yateem-e-be-nawa ki rahguzar par ashrafi ban karLa'eem-e-faaqa kash ki jeeb-e-mumsik se gira hota
Nayistaan se nikal kar hasrat aabaad-e-tamaddun meinGada-e-peer-o-naabeena ke haathon ka asa hota
Shikasta jhonpre mein baansuri-e-dehhaan ki sur ban karSukoot-e-neem shab mein raaz-e-hasti kah raha hota
Gharaz is hasrat-o-andooh-o-yaas-o-gham ki basti meinKahein door-aafreen hota, kahein dard-aasna hota
"Duboya mujh ko hone ne" ba-qaul-e-Ghalib-e-daana"Nah tha kuch to khuda tha, kuch nah hota to khuda hota"
فرہنگ
تشریح
اس نظم میں شاعر اپنی زندگی اور ہستی کے بارے میں یہ تمنا ظاہر کرتا ہے کہ اگر اسے اس دنیا میں ہونا ہی تھا تو وہ کسی بڑے مقصد کے لیے ہو، یعنی وہ دکھی، مفلس، بیمار اور نادار لوگوں کے کام آ سکے۔ شاعر کا لہجہ آرزومندانہ اور دردمندانہ ہے۔ وہ چاہتا ہے کہ وہ کسی یتیم کی رہگزر پر اشرفی بن کر گرے، کسی بیمار مفلس کے سرہانے شمع بن کر روئے، یا کسی بھٹکے ہوئے راہی کو منزل کی دعوت دے۔ آخری بند میں غالب کے شعر کا حوالہ دے کر ہستی کے فلسفیانہ سوال کو بھی چھیڑا گیا ہے۔