نظر میں شاعر کے پھر رہا ہے، ہرا بھرا پر بہار جنگلوہ صبح رنگیں، وہ کیف منظر، وہ دامن کوہ بندھیا چل
ملی تھی اک رنگ و بو کی دنیا، تمام صحرا چمن چمن تھامگر وہ جنت نگاہ وادی بہار کا مستقل وطن تھا
کھڑا ہوا تھا غریب شاعر، خموش صحرائے رنگ و بو میںمچل رہی تھی سحر کی دوشیزہ شب کے آغوش آرزو میں
ہوں چشم عاشق میں جیسے آنسو، ستارے یوں جھلملا رہے تھےفلک پہ برہم تھی بزم انجم، چراغ گل ہوتے جا رہے تھے
تجلیوں کی فلک سے بارش تھی، ظلمت شب بکھر رہی تھیکہ صبح کی سانولی حسینہ نہا رہی تھی، نکھر رہی تھی
ندی میں ہلکا سا تھا تموج کہیں جسے بے قرار غفلتکہ نیند میں جیسے کروٹیں لے، جوان، بد مست خواب عورت
ہوا جو شانہ ہلا رہی تھی، تو موجیں ہشیار ہو رہی تھیںطیور کے مست زمزموں سے فضائیں بے دار ہو رہی تھیں
یہ کیفیت تھی اور ایک جوگن ستار بیٹھی بجا رہی تھیمگر وہ جنگل کی شاہزادی بہار کے گیت گا رہی تھی
بہار کے گیت گا رہی تھی فضا میں نغمے بکھیرتی تھیسکوت فطرت کا داد دیتا تھا رخ جدھر کو وہ پھیرتی تھی
وہ نیند سے مضمحل نگاہیں وہ لب پہ مغموم مسکراہٹہزار انداز دل ربائی اور ایک معصوم مسکراہٹ
تھیں نیند سے رسمسائی آنکھیں اور ان میں شوخی مچل رہی تھیخمار آلودہ انکھڑیوں میں بہار کی روح پل رہی تھی
قمر کی طلعت، شفق کی سرخی، جبیں پہ صبح بہار خنداںنگاہ آئینہ دار منظر، جمال پروردۂ بیاباں
ستار پہ نازک انگلیاں تھیں، کلائی گوری لچک رہی تھیامنگیں لیتی تھیں دل میں کروٹ، رگ جوانی پھڑک رہی تھی
سنہرے جلووں کی چھوٹ ڈالی جو شاہ خاور کے تاج زر نےطلائی افشاں چنی جبیں پر ملیح دوشیزۂ سحر نے
طلائی زیور سے اور چمکی عروس منظر کی دل ربائیاٹھا جو سورج تو دھوپ نکلی حسینۂ صبح کھلکھلائی
فضا کی تبدیلیوں کو دیکھا جو بزم فطرت کی مطربہ نےستار رکھا، اٹھائی گگری، ندی کنارے چلی نہانے
وہ جا رہی تھی ندی کی جانب میں لوٹ کر گھر کو آ رہا تھاستار خاموش ہو چکا تھا مگر یہ دل گنگنا رہا تھا
زمانہ گزرا نقوش ماضی خیال سے مٹتے جا رہے ہیںمگر وہ نغمے جمیلؔ اب تک دماغ کو گدگدا رہے ہیں
— جمیل مظہری
Nazar mein sha'er ke phir raha hai, hara bhra pur-bahaar jangalWoh subh-e-rangeen, woh kaif-e-manzar, woh daaman-e-kooh Bindhya Chal
Mili thi ik rang-o-boo ki duniya, tamaam sehra chaman chaman thaMagar woh jannat-nigaah waadi bahaar ka mustaqil watan tha
Khada hua tha ghareeb sha'er, khamoosh sehra-e-rang-o-boo meinMachal rahi thi sahar ki dosheza shab ke aaghosh-e-aarzoo mein
Hoon chashm-e-aashiq mein jaise aansoo, sitare yoon jhilmila rahe theFalak pe barham thi bazm-e-anjum, charagh gul hote ja rahe the
Tajalliyon ki falak se baarish thi, zulmat-e-shab bikhar rahi thiKe subh ki saanwali haseena naha rahi thi, nikhar rahi thi
Nadi mein halka sa tha tamajjuj kahein jise be-qaraar-e-ghaflatKe neend mein jaise karwatein ley, jawan, bad-mast-e-khwaab aurat
Hawa jo shaana hila rahi thi, to maujein hushyaar ho rahi theenTuyoor ke mast zamzamon se fazayein be-daar ho rahi theen
Yeh kaifiyat thi aur ek jogan sitar baithi baja rahi thiMagar woh jangal ki shahzaadi bahaar ke geet gaa rahi thi
Bahaar ke geet gaa rahi thi faza mein naghme bikheerti thiSukoot-e-fitrat ka daad deta tha rukh jidhar ko woh pheerti thi
Woh neend se muzmahil nigayein woh lab pe maghmoom muskurahatHazaar andaaz-e-dil-rabai aur ek ma'soom muskurahat
Theen neend se rasmasai aankhein aur un mein shokhi machal rahi thiKhumaar-aaluda ankhriyon mein bahaar ki rooh pal rahi thi
Qamar ki tal'at, shafaq ki surkhi, jabeen pe subh-e-bahaar khandaanNigaah aaina-daar-e-manzar, jamaal-e-parwarda-e-biyabaan
Sitar pe naazuk ungliyaan theen, kalai gori lachak rahi thiUmangein leeti theen dil mein karwat, rag-e-jawani phadak rahi thi
Sunahre jalwon ki chhoot daali jo shah-e-khaawar ke taaj-e-zar neTalaai afshaan chuni jabeen par maleeh dosheza-e-sahar ne
Talaai zewar se aur chamki aroos-e-manzar ki dil-rabaiUtha jo sooraj to dhoop nikli haseena-e-subh khilkhilai
Faza ki tabdeeliyon ko dekha jo bazm-e-fitrat ki mutriba neSitar rakhha, uthai gagri, nadi kinaare chali nahane
Woh ja rahi thi nadi ki jaanib main laut kar ghar ko aa raha thaSitar khamoosh ho chuka tha magar yeh dil gunguna raha tha
Zamana guzra naqoosh-e-maazi khayaal se mitte ja rahe hainMagar woh naghme Jameel ab tak dimagh ko gudguda rahe hain
فرہنگ
تشریح
اس نظم میں شاعر ایک صبح کا منظر یاد کرتا ہے جو بندھیا چل کے ہرے بھرے جنگل میں دیکھا گیا تھا۔ سحر کی روشنی، ستاروں کا جھلملانا اور ندی میں لہروں کی بیداری اس منظر کو زندہ کرتی ہے۔
ایک جوگن ستار بجا رہی ہے اور جنگل کی شاہزادی بہار کے گیت گا رہی ہے، پھر وہ ندی پر نہانے چلی جاتی ہے۔
لہجہ یادوں کا ہے، جس میں شاعر کہتا ہے کہ ماضی کے نقوش مٹتے جا رہے ہیں مگر ان نغموں کی بازگشت اب بھی دل کو گدگداتی ہے۔