تھی ابھی صبح ابھی شام ہوئی جاتی ہےزندگی گردش ایام ہوئی جاتی ہے
زندگی مہلت توفیق خم آشامی تھیزندگی فرصت یک جام ہوئی جاتی ہے
زندگی طائر صحرا تھی بہ شوق پرواززندگی صید تہہ دام ہوئی جاتی ہے
زندگی ڈال رہی تھی جو ستاروں پہ کمنداب تماشائے لب بام ہوئی جاتی ہے
زندگی یہ ہے کہ با ایں ہمہ سودائے سفرزندگی حسرت یک گام ہوئی جاتی ہے
زندگی یہ ہے کہ جس ریت پہ جلتے تھے قدماب وہی بستر آرام ہوئی جاتی ہے
زندگی یہ ہے کہ سویا تھا مسافر تھک کرسو کے اٹھا ہے تو اب شام ہوئی جاتی ہے
مظہریؔ فن کا تقاضا ہے کہ لکھیے کچھ اوریہ غزل کوشش ناکام ہوئی جاتی ہے
— جمیل مظہری
Thi abhi subh abhi shaam hui jaati haiZindagi gardish-e-ayyaam hui jaati hai
Zindagi muhlat-e-taufeeq-e-khum-aashami thiZindagi fursat-e-yak jaam hui jaati hai
Zindagi taair-e-sehra thi ba-shauq-e-parwaazZindagi said-e-tah-e-daam hui jaati hai
Zindagi daal rahi thi jo sitaron pe kamandAb tamaasha-e-lab-e-baam hui jaati hai
Zindagi yeh hai ke ba-ain-hama sauda-e-safarZindagi hasrat-e-yak gaam hui jaati hai
Zindagi yeh hai ke jis reet pe jalte the qadamAb wahi bistar-e-aaraam hui jaati hai
Zindagi yeh hai ke sooya tha musafir thak karSo ke utha hai to ab shaam hui jaati hai
Mazhari fan ka taqaza hai ke likhiye kuch aurYeh ghazal koshish-e-naakaam hui jaati hai
فرہنگ
تشریح
اس غزل میں زندگی کے گزرنے اور اس کی بدلتی ہوئی صورتوں کا بیان ہے۔ شاعر کہتا ہے کہ صبح و شام کا فرق مٹ رہا ہے اور زندگی تیزی سے ڈھلتی جا رہی ہے۔ جو زندگی کبھی پرواز کا شوق رکھنے والے طائر کی مانند تھی، وہ اب دام میں پھنسے ہوئے شکار جیسی ہو گئی ہے۔ آخری شعروں میں لہجہ افسردہ اور تھکا ہوا ہے، اور مقطع میں شاعر اپنے فن کی ناکامی کا اعتراف کرتا ہے۔