کون لے گیا | Kaun Le Gaya – جوش ملیح آبادی

اے یار دل نشیں وہ ادا کون لے گیاتیرے نگیں سے نقش وفا کون لے گیا

حل کر دیا تھا جس نے معمہ شباب کاتجھ سے وہ فکر عقدہ کشا کون لے گیا

تھا لطف پہلے قہر میں اب صرف قہر ہےظلمت سے موج آب بقا کون لے گیا

کیوں دفعتاً لبوں پہ خموشی سی چھا گئیاس ساز دل نشیں کی صدا کون لے گیا

آنکھوں سے شان بذل و سخا کس نے چھین لیسینے سے ذوق لطف و عطا کون لے گیا

تھیں جس کی رو سے خون تمنا میں سرخیاںرخسار سے وہ رنگ وفا کون لے گیا

راتوں کو مانگنا تھا دعا میری دید کیوہ منتیں وہ ذوق دعا کون لے گیا

اے شاہ بندہ پرور سلطان نرم دلدل سے ترے خیال گدا کون لے گیا

پہلی سی وہ کلام میں نرمی نہیں رہیگفتار سے مزاج صبا کون لے گیا

اب جوشؔ کے لیے ہیں نہ آنسو نہ آہ سرداس گلستاں کی آب و ہوا کون لے گیا

— جوش ملیح آبادی