تو گھر سے نکل آئے تو دھرتی کو جگا دےتو باغ میں جس وقت لچکتی ہوئی آئے
ساون کی طرح جھوم کے پودوں کو جھمائےجوڑے کی گرہ کھول کے بیلا جو اٹھائے
پربت پہ برستی ہوئی برکھا کو نچا دےتو گھر سے نکل آئے تو دھرتی کو جگا دے
آنکھوں کو جھکائے ہوئے پلو کو اٹھائےمکھڑے پہ لیے صبح کے مچلے ہوئے سائے
لیتی ہوئی انگڑائی اگر گھاٹ پہ آئےگنگا کی ہر اک لہر میں اک دھوم مچا دے
تو گھر سے نکل آئے تو دھرتی کو جگا دےکرنوں سے گرے اوس جو ہو تیرا اشارا
مٹی کو نچوڑے تو بہے رنگ کا دھاراذرے کو جو روندے تو بنے صبح کا تارا
کانٹے پہ جو تو پاؤں دھرے پھول بنا دےتو گھر سے نکل آئے تو دھرتی کو جگا دے
— جوش ملیح آبادی
Tu ghar se nikal aaye to dharti ko jaga deTu baagh mein jis waqt lachakti hui aaye
Saawan ki tarah jhoom ke podon ko jhumayeJoore ki girah khol ke bela jo uthaye
Parbat pe barasti hui barkha ko nacha deTu ghar se nikal aaye to dharti ko jaga de
Aankhon ko jhukaaye hue pallu ko uthayeMukhre pe liye subh ke machle hue saaye
Leti hui angraai agar ghaat pe aayeGanga ki har ik lehar mein ik dhoom macha de
Tu ghar se nikal aaye to dharti ko jaga deKirnon se gire os jo ho tera ishaara
Mitti ko nichore to bahe rang ka dhaaraZarre ko jo raunde to bane subh ka taara
Kaante pe jo tu paaon dhare phool bana deTu ghar se nikal aaye to dharti ko jaga de