بن دیکھے اس کے جاوے رنج و عذاب کیوں کروہ خواب میں تو آوے پر آوے خواب کیوں کر
پاس اس نے جو بٹھایا دل اور تلملایااب جائے گا خدایا یہ اضطراب کیوں کر
وہ جب سے ہے سفر میں دل مضطرب ہے بر میںبیٹھیں ہم اپنے گھر میں خانہ خراب کیوں کر
ساقی فراق جاناں حلق اپنے کا ہے درباںاترے گلے سے پھر یاں قرط شراب کیوں کر
غمگیں ہیں جس کے غم سے واقف نہیں وہ ہم سےیا رب پھر اس الم سے ہو صبر و تاب کیوں کر
واں ہے سوال ہر دم رکھیے ملاپ کم کمحیران ہیں کہ دیں ہم اس کا جواب کیوں کر
چھوٹا ہے سن تمہارا مکھڑا ہے پیارا پیاراپھر ہو بھلا گوارا شرم و حجاب کیوں کر
مجھ کو تو ہے یہ حیرت ایسی رہی جو عصمتتو ہوگا صرف عشرت عہد شباب کیوں کر
اب طور کی تو اپنے جرأتؔ غزل سنا دےدیکھیں تو اس کے ہوں گے شعر انتخاب کیوں کر
— جرات قلندر بخش
Bin dekhe us ke jaave ranj-o-azaab kyun karWoh khwaab mein to aave par aave khwaab kyun kar
Paas us ne jo bithaya dil aur tilmilayaAb jaaye ga khudaya yeh iztiraab kyun kar
Woh jab se hai safar mein dil muztarib hai bar meinBaithein hum apne ghar mein khaana kharaab kyun kar
Saaqi firaaq-e-jaanaan halq apne ka hai darbaanUtre gale se phir yaan qart sharaab kyun kar
Ghamgeen hain jis ke gham se waaqif nahin woh hum seYa Rab phir us alam se ho sabr-o-taab kyun kar
Waan hai sawaal har dam rakhiye milaap kam kamHairaan hain keh dein hum us ka jawaab kyun kar
Chhota hai sin tumhaara mukhra hai pyaara pyaaraPhir ho bhala gawaara sharm-o-hijaab kyun kar
Mujh ko to hai yeh hairat aisi rahi jo ismatTo hoga sirf ishrat ahd-e-shabaab kyun kar
Ab taur ki to apne Jurat ghazal suna deDekhein to us ke hon ge sher intikhaab kyun kar