تن میں دم روک میں بہ دیر رکھاآؤ جی کس نے تم کو گھیر رکھا
ہم گئے واں تو یاں وہ آیا واہخوب قسمت نے ہیر پھیر رکھا
کر گیا وہ ہی راہ عشق کو طےیاں قدم جس نے ہو دلیر رکھا
سب کو عاجز کیا فلک نے پر ایکآہوئے دل پہ غم کو شیر رکھا
جا کے بیٹھے جو کوئے یار میں ہمواں سے باہر قدم نہ پھیر رکھا
بعد مدت وہ دیکھ کر بولاکس نے یاں خاک کا یہ ڈھیر رکھا
شکر اے درد عشق تو نے سدازندگانی سے ہم کو سیر رکھا
کیسا گھبرا گیا وہ کل ہم نےٹک جو رستے میں اس کو گھیر رکھا
خیر ہو یا الٰہی جرأتؔ نےعاشقی میں قدم کو پھیر رکھا
— جرات قلندر بخش
Tan mein dam rok main ba der rakhaAao ji kis ne tum ko gher rakha
Hum gaye waan to yaan woh aaya waahKhoob qismat ne her pher rakha
Kar gaya woh hi raah ishq ko taiYaan qadam jis ne ho daleer rakha
Sab ko aajiz kiya falak ne par ekAahu-e-dil pe gham ko sher rakha
Ja ke baithe jo koo-e-yaar mein humWaan se baahar qadam na pher rakha
Baad muddat woh dekh kar bolaKis ne yaan khaak ka yeh dher rakha
Shukr ae dard ishq tu ne sadaZindagaani se hum ko ser rakha
Kaisa ghabra gaya woh kal hum neTak jo raste mein us ko gher rakha
Khair ho ya Ilahi Jurrat neAashiqi mein qadam ko pher rakha