یہ قصوں میں جو دکھ اٹھانے بندھے ہیں – جرات قلندر بخش

یہ قصوں میں جو دکھ اٹھانے بندھے ہیںسو الفت ہی کے سب فسانے بندھے ہیں

قفس میں سنو لو اسیران کہنہبہ ہر شاخ نو آشیانے بندھے ہیں

خدا جانے اس گھر میں کیا ہے کہ جس کےکئی در کے آگے دوانے بندھے ہیں

وہ آنسو ہیں اپنے کہ سب کی گرہ میںکئی موتیوں کے خزانے بندھے ہیں

ہوا یہ دیار محبت کی بگڑیکہ سب رہنے والوں کے شانے بندھے ہیں

ملاقات کیا ہو رہے ٹھور بس ہمکہ جانے کے واں تو ٹھکانے بندھے ہیں

لگیں کیوں نہ تیر نگہ دل جگر پرکہ اس چشم کے یہ نشانے بندھے ہیں

فلک تیرے ہاتھوں بڑے تھے جو داناسو اب ان کے پلوں میں دانے بندھے ہیں

غضب سادہ رویوں کی ہے سادگی بھیکہ پھینٹے عجب صوفیانے بندھے ہیں

ہوئی گھر میں شادی تمہارے تو ایسیکہ جس کے جہاں میں فسانے بندھے ہیں

نہ بلوانے کا ہم کو شکوہ ہے دیکھوبندھن وار اب تک پرانے بندھے ہیں

بخیل اب یہ منعم نہیں کیونکہ جرأتؔکسے جن کے خوانوں میں کھانے بندھے ہیں

— جرات قلندر بخش