ابروئے ابر سے کرتا ہے اشارہ مجھ کوجھلک اس آنکھ کی دکھلا کے ستارہ مجھ کو
ہوں میں وہ شمع سر طاق جلا کر سر شامبھول جاتا ہے مرا انجمن آرا مجھ کو
رائیگاں وسعت ویراں میں یہ کھلتے ہوئے پھولان کو دیکھوں تو یہ دیتے ہیں سہارا مجھ کو
میری ہستی ہے فقط موج ہوا نقش حبابکوئی دم اور کریں آپ گوارا مجھ کو
دام پھیلاتی رہی سود و زیاں کی یہ بساطہاں مگر میرے جنوں نے نہیں ہارا مجھ کو
کچھ شب و روز و مہ و سال گزر کر مجھ پروقت نے تا بہ ابد خود پہ گزارا مجھ کو
موج بے تاب ہوں میں میرے عناصر ہیں کچھ اورچاہیے صحبت ساحل سے کنارا مجھ کو
رزق سے میرے مرے دل کو ہے رنجش خورشیدؔآسمانوں سے زمینوں پہ اتارا مجھ کو
— خورشیدرضوی
Abroo-e abr se karta hai ishara mujh koJhalak us aankh ki dikhla ke sitara mujh ko
Hoon main woh sham sar-e taaq jala kar sar-e shaamBhool jaata hai mera anjuman aara mujh ko
Raiyegaan wusat-e veeran mein yeh khilte hue phoolUn ko dekhoon to yeh dete hain sahara mujh ko
Meri hasti hai faqat mauj-e hawa naqsh-e hubabKoi dam aur karen aap gawara mujh ko
Daam phailati rahi sood-o-ziyan ki yeh bisatHaan magar mere junoon ne nahin haara mujh ko
Kuchh shab-o-roz-o-mah-o-saal guzar kar mujh parWaqt ne ta-ba-abad khud pe guzara mujh ko
Mauj-e betab hoon main mere anasir hain kuchh aurChahiye sohbat-e sahil se kinara mujh ko
Rizq se mere mere dil ko hai ranjish KhursheedAasmanon se zameenon pe utara mujh ko