غزل 6 اشعار

تو ہے کہ چیستاں کی عبارت ہے تہ بہ تہ

Tu hai ke chistan ki ibarat hai teh-ba-teh

تو ہے کہ چیستاں کی عبارت ہے تہ بہ تہدل ہے کہ سنگ بستۂ حیرت ہے تہ بہ تہ

جو آنکھ دیکھنے میں خرابہ دکھائی دےسمجھو کہ اس میں کوئی امانت ہے تہ بہ تہ

بحر انا ہوں میری تہوں میں اتر کے دیکھخوابیدہ مجھ میں وقت کی میت ہے تہ بہ تہ

وہ چشم سرمہ سا کہ جسے بے زباں کہیںاس کی خموشیوں میں اشارت ہے تہ بہ تہ

فرصت کہاں کہ غیر سے ہم دشمنی کریںاپنا وجود ایک مصیبت ہے تہ بہ تہ

شاید کوئی گیا ہو زمانے سے کامگاراپنی تو زیست کان ندامت ہے تہ بہ تہ

— خورشیدرضوی

خورشیدرضوی

پروفیسر ڈاکٹر خورشید رضوی اردو ادب کے ممتاز شاعر، محقق، نقاد، مترجم اور ماہرِ عربی زبان و ادب ہیں۔ ان کا اصل نام محمد خورشید الحسن رضوی ہے ا...