بھریں نہ وقت کے ہاتھوں جراحتیں تیری – خورشیدرضوی

بھریں نہ وقت کے ہاتھوں جراحتیں تیریرکھیں سنبھال کے دل نے امانتیں تیری

چھپا کے تجھ سے کہاں اپنے روز و شب لے جاؤںجہان نور ترا اور ظلمتیں تیری

بچھڑ کے تجھ سے ملا عمر بھر کا سناٹابنا گئیں مجھے تنہا رفاقتیں تیری

تو ہے وہ فاتح عالم کہ ایک دنیا نےشکست کھا کے سراہی ہی ہمتیں تیری

ترے نقوش قدم سے بہار تھی ان کیہیں منتظر مرے دل کی مسافتیں تیری

کہاں ہے شام تمنا ملاحتوں کا وہ رنگکہاں ہیں صبح تصور صباحتیں تیری

دل حزیں تری چوکھٹ پہ عمر کون گنوائےکبھی سمجھ میں نہ آئیں ضرورتیں تیری

ازل سے شیشۂ گردوں میں ریت چلتی ہےکبھی شمار میں آئیں نہ ساعتیں تیری

تو میری شرکت ہستی کہیں قبول تو کرتمام رنج مرے سب مسرتیں تیری

— خورشیدرضوی