دن گزرتے رہے سانسوں میں تھکن آتی رہیدل میں اڑ اڑ کے وہی گرد محن آتی رہی
تھک گئے عرصۂ احساس میں چلتے چلتےراہ میں حسرت کوتاہیٔ فن آتی رہی
بس دریچے سے لگے بیٹھے رہے اہل سفرسبزہ جلتا رہا اور یاد وطن آتی رہی
گلشن دہر میں کچھ بوئے وفا باقی ہےکہ خزاں میں بھی صبا سوئے چمن آتی رہی
پھول آنکھوں سے گزر کر تہ دل میں بھی کھلارت بھی بدلی تو وہی بوئے سمن آتی رہی
اہل دنیا زر و گوہر کی تمنا میں رہےاوس پڑتی رہی سورج کی کرن آتی رہی
ہم کبھی چاک گریباں تھے کبھی خاک بسرکر گزرتے رہے جو عشق میں بن آتی رہی
— خورشیدرضوی
Din guzarte rahe saanson mein thakan aati rahiDil mein ur ur ke wohi gard-e-mehan aati rahi
Thak gaye arsa-e-ehsaas mein chalte chalteRaah mein hasrat-e-kotahi-e-fan aati rahi
Bas dareeche se lage baithe rahe ahl-e-safarSabza jalta raha aur yaad-e-watan aati rahi
Gulshan-e-dahr mein kuch boo-e-wafa baaqi haiKe khizaan mein bhi saba soo-e-chaman aati rahi
Phool aankhon se guzar kar teh-e-dil mein bhi khilaRut bhi badli to wohi boo-e-saman aati rahi
Ahl-e-duniya zar-o-gohar ki tamanna mein raheOs parti rahi sooraj ki kiran aati rahi
Hum kabhi chaak-gareebaan the kabhi khaak-basarKar guzarte rahe jo ishq mein ban aati rahi