پھر وہ گم گشتہ حوالے مجھے واپس کر دےوہ شب و روز وہ رشتے مجھے واپس کر دے
آنکھ سے دل نے کہا رنگ جہاں شوق سے دیکھمیرے دیکھے ہوئے سپنے مجھے واپس کر دے
میں تجھے دوں تری پانی کی لکھی تحریریںتو وہ خوں ناب نوشتے مجھے واپس کر دے
میں شب و روز کا حاصل اسے لوٹا دوں گاوقت اگر میرے کھلونے مجھے واپس کر دے
مجھ سے لے لے صدف و گوہر و مرجاں کا حساباور وہ غرقاب سفینے مجھے واپس کر دے
نسخۂ مرہم اکسیر بتانے والےتو مرا زخم تو پہلے مجھے واپس کر دے
ہاتھ پر خاکۂ تقدیر بنانے والےیوں تہی دست نہ در سے مجھے واپس کر دے
آسماں صبح کے آثار سے پہلے پہلےمیری قسمت کے ستارے مجھے واپس کر دے
میں تری عمر گزشتہ کی صدا ہوں خورشیدؔاپنے ناکام ارادے مجھے واپس کر دے
— خورشیدرضوی
Phir woh gum-gashta hawaale mujhe waapas kar deWoh shab-o-roz woh rishte mujhe waapas kar de
Aankh se dil ne kaha rang-e jahaan shauq se dekhMere dekhe hue sapne mujhe waapas kar de
Main tujhe doon teri paani ki likhi tehreereinTu woh khoon-naab navishte mujhe waapas kar de
Main shab-o-roz ka haasil use lauta doon gaWaqt agar mere khilone mujhe waapas kar de
Mujh se le le sadaf-o-gauhar-o-marjaan ka hisaabAur woh gharqaab safeene mujhe waapas kar de
Nuskha-e marham-e ikseer bataane waaleTu mera zakhm to pehle mujhe waapas kar de
Haath par khaaka-e taqdeer banaane waaleYun tahi-dast na dar se mujhe waapas kar de
Aasmaan subah ke aasaar se pehle pehleMeri qismat ke sitaare mujhe waapas kar de
Main teri umr-e guzashta ki sada hoon KhursheedApne naakaam iraade mujhe waapas kar de