زندگی ، اے زندگیخرقہ پوش و پا بہ گل
میں کھڑا ہوں، تیرے در پر ، زندگیملتجی و مضمحل
خرقہ پوش و پا بہ گلاے جہانِ خار و خس کی روشنی
زندگی ، اے زندگیمیں ترے در پر چمکتی چلمنوں کی اوٹ سے
سن رہا ہوں قہقہوں کے دھمیے دھیمے زمزمےگرم ، گہری ، گفتگو کے سلسلے
منقل آتش بجاں کے متصل،اور ادھر باہر گلی میں، خرقہ پوش و پا بہ گل
میں کہ اک لمحے کا دلجس کی ہر دھڑکن میں گونجے دو جہاں کی تیرگی
زندگی ، اے زندگیکتنے سائے محوِ رقص
تیرے در کے پردہء گلفام پرکتنے سائے، کتنے عکس
کتنے پیکر محوِ رقصاور اک تو کہنیاں ٹیکے خم ایام پر
ہونٹ رکھ کر جام پرسن رہی ہے ناچتی صدیوں کا آہنگِ قدم
جاوداں خوشیوں کی بجتی گتکڑی کے زیر و بمآنچلوں کی جھم جھماہٹ، پائلوں کی چھم چھم
اس طرف، باہر، سر کوئے عدمایک طوفاں، ایک سیل بے اماں
ڈوبنے کو ہیں مرے شام و سحر کی کشتیاںاے نگارِ دل ستاں
اپنی نٹ کھٹ انکھڑیوں سے میری جانب جھانک بھیزندگی، اے زندگی
— مجید امجد
Zindagi, ae zindagiKhirqa posh o paa ba gil
Main khada hoon, tere dar par, zindagiMultaji o muzmahil
Khirqa posh o paa ba gilAe jahan-e-khar o khas ki roshni
Zindagi, ae zindagiMain tere dar par chamakti chilmanon ki oat se
Sun raha hoon qahqahon ke dheemay dheemay zamzameGarm, gehri, guftagu ke silsile
Manqal aatish ba-jaan ke muttasil,Aur idhar bahar gali mein, khirqa posh o paa ba gil
Main ke ek lamhe ka dilJis ki har dhadkan mein goonje do jahan ki teergi
Zindagi, ae zindagiKitne saye mehv-e-raqs
Tere dar ke parda-e-gulfaam parKitne saye, kitne aks
Kitne paikar mehv-e-raqsAur ek tu kohaniyan teke kham-e-ayyam par
Hont rakh kar jaam parSun rahi hai naachti sadiyon ka aahang-e-qadam
Jawidaan khushiyon ki bajti gutkadi ke zer o bamAanchalon ki jham jhamahat, payalon ki chham chham
Is taraf, bahar, sar-e-kuye adamEk toofan, ek sail-e-be-amaan
Doobne ko hain mere shaam o sahar ki kishtiyanAe nigaar-e-dil-sitaan
Apni natkhat ankhadiyon se meri jaanib jhaank bhiZindagi, ae zindagi
