گلی کا چراغ | Gali ka Chiragh – مجید امجد

تری جلن ہے مرے سوزِ دل کے کتنی قریبخدا رکھے تجھے روشن! چراغِ کوئے حبیب

تو جانتا ہے مری زندگی کا افسانہتو جانتا ہے میں کس شمع کا ہوں پروانہ

لرز لرز گئی اکثر تری یہ نازک لو۔۔۔ٹھٹک ٹھٹک کے چلا جب کوئی حزیں رہرو

وہ تیرے سانولے سایوں میں اس کا طوفِ نیازوہ دور ۔۔۔ موڑ پہ قدموں کی آخری آواز

صدا خفیف سی دستک سے ملتی جلتی ہوئیاور اس کے بعد کوئی چٹخنی سی کھلتی ہوئی

ہَوا کے نرم جھکولوں میں سرسراہٹ سیگلی کے کونے پہ باتیں سی، کھلکھلاہٹ سی

کہ اتنے میں نظر آیا طویل سایا کوئیپھر اک صدا کہ ’’وہ دیکھو ادھر سے آیا کوئی‘‘

کواڑ بند، گلی بےصدا، فضا خاموشاور ایک درد کا مارا مسافرِ مدہوش

پلٹ چلا انھی رستوں پہ ڈگمگاتا ہوادکھے دکھے ہوئے لہجوں میں گنگناتا ہوا

تو جانتا ہے کسی کی گلی کے پاک چراغچراغِ طور سے بھی بڑھ کے تابناک چراغ

کہ تو نہ ہو تو وہ آوارۂ دیارِ حبیبپہنچ سکے نہ کبھی ’’ان‘‘ کے آستاں کے قریب

جو تو نہ ہو تو یہ راز اک فسانہ بن جائےنگاہِ اہلِ جہاں کا نشانہ بن جائے

— مجید امجد

کس نے پڑھا

یہ کلام محفلوں میں