کنواں چل رہا ہے ! مگر کھیت سوکھے پڑے ہیں نہ فصلیں ، نہ خرمن ، نہ دانہنہ شاخوں کی باہیں ، نہ پھولوں کے مکھڑے ، نہ کلیوں کے ماتھے ، نہ رت کی جوانی
گزرتا ہے کیاروں کے پیاسے کناروں کو یوں چیرتا تیز ، خوں رنگ ، پانیکہ جس طرح زخموں کی دکھتی تپکتی تہوں میں کسی نیشتر کی روانی
ادھر دِھیری دِھیریکنوئیں کی نفیری
ہے چھیڑے چلی جا رہی اک ترانہپر اسرار گانا
جسے سن کے رقصاں ہے اندھے تھکے ہارے بے جان بیلوں کا جوڑا بچاراگراں بار زنجیریں ، بھاری سلاسل ، کڑکتے ہوئے آتشیں تازیانے
طویل اور لا منتہی راستے پر بچھا رکھے ہیں دام اپنے قضا نےاِدھر وہ مصیبت کے ساتھی ، ملائے ہوئے سینگوں سے سینگ ، شانوں سے شانے
رواں ہیں نہ جانےکدھر ؟ کس ٹھکانے ؟
نہ رکنے کی تاب اور نہ چلنے کا یارامقدر نیارا
کنوئیں والا ، گادی پہ لیٹا ہے مست اپنی بنسی کی میٹھی سریلی صدا میںکہیں کھیت سوکھا پڑا رہ گیا اور نہ اس تک کبھی آئی پانی کی باری
کہیں بہہ گئی ایک ہی تند ریلے کی فیاض لہروں میں کیاری کی کیاریکہیں ہو گئیں دھول میں دھول لاکھوں ، رنگا رنگ فصلیں ، ثمر دار ساری
پریشاں پریشاںگریزاں گریزاں
تڑپتی ہیں خوشبوئیں دام ہوا میںنظامِ فنا میں
اور اک نغمہ سرمدی کان میں آ رہا ہے ، مسلسل کنواں چل رہا ہےپیاپے مگر نرم رو اس کی رفتار ، پیہم مگر بے تکان اس کی گردش
عدم سے ازل تک ، ازل سے ابد تک ، بدلتی نہیں ایک آن اس کی گردشنہ جانے لئے اپنے دو لاب کی استینوں میں کتنے جہان اس کی گردش
رواں ہے رواں ہےتپاں ہے تپاں ہے
یہ چکر یونہی جاوداں چل رہا ہےکنواں چل رہا ہے
— مجید امجد
Kunwan chal raha hai! Magar khet sookhe pade hain na faslein, na khirman, na danaNa shaakhon ki baahein, na phoolon ke mukhde, na kaliyon ke maathe, na rut ki jawani
Guzarta hai kiyaron ke pyaase kinaroon ko yun cheer taiz, khoon rang, paaniKe jis tarah zakhmon ki dukhti tapakti tehon mein kisi nishtar ki rawani
Idhar dheeri dheeriKunwein ki nafeeri
Hai chhede chali ja rahi ek taraanaPur-asraar gaana
Jise sun ke raqsan hai andhe thake haare bejaan bailon ka joda bichaaraGiraanbaar zanjeerein, bhaari salasil, kadakte hue aatisheen taaziyane
Taweel aur la-muntahi raaste par bichha rakhe hain daam apne qaza neIdhar woh museebat ke saathi, milaye hue seengon se seeng, shanon se shane
Rawan hain na jaaneKidhar? Kis thikaane?
Na rukne ki taab aur na chalne ka yaaraMuqaddar niyaara
Kunwein wala, gaadi pe leta hai mast apni bansuri ki meethi sureele sada meinKahin khet sookha pada reh gaya aur na us tak kabhi aayi paani ki baari
Kahin beh gayi ek hi tund relle ki fayyaz lehron mein kiyari ki kiyariKahin ho gayin dhool mein dhool lakhon, ranga rang faslein, samar dar saari
Pareshaan pareshaanGurezaan gurezaan
Tarapti hain khushbooien daam hawa meinNizaam-e-fana mein
Aur ek naghma-e-sarmadi kaan mein aa raha hai, musalsal kunwan chal raha haiPayape magar narm ro is ki raftaar, paiham magar be-takaan is ki gardish
Adam se azal tak, azal se abad tak, badalti nahi ek aan is ki gardishNa jaane liye apne do laab ki aasteenon mein kitne jahan is ki gardish
Rawan hai rawan haiTapan hai tapan hai
Yeh chakkar yunhi jaawidaan chal raha haiKunwan chal raha hai
