10 اشعار

آئینہ کیوں نہ دوں کہ تماشا کہیں جسے

Aaina kyon na doon ke tamasha kahin jise

مرزا غالب
آئینہ کیوں نہ دوں کہ تماشا کہیں جسے

«آئینہ کیوں نہ دوں کہ تماشا کہیں جسے» مرزا غالب کا کلام ہے، جسے یہاں آواز میں بھی سنا جا سکتا ہے۔ ریکارڈنگ کا دورانیہ 1 منٹ 5 سیکنڈ ہے۔

آئینہ کیوں نہ دوں کہ تماشا کہیں جسےایسا کہاں سے لاؤں کہ تجھ سا کہیں جسے

حسرت نے لا رکھا تری بزم خیال میںگلدستۂ نگاہ سویدا کہیں جسے

پھونکا ہے کس نے گوش محبت میں اے خداافسون انتظار تمنا کہیں جسے

سر پر ہجوم درد غریبی سے ڈالیےوہ ایک مشت خاک کہ صحرا کہیں جسے

ہے چشم تر میں حسرت دیدار سے نہاںشوق عناں گسیختہ دریا کہیں جسے

درکار ہے شگفتن گل ہائے عیش کوصبح بہار پنبۂ مینا کہیں جسے

غالبؔ برا نہ مان جو واعظ برا کہےایسا بھی کوئی ہے کہ سب اچھا کہیں جسے

یا رب ہمیں تو خواب میں بھی مت دکھائیویہ محشر خیال کہ دنیا کہیں جسے

ہے انتظار سے شرر آباد رستخیزمژگان کوہکن رگ خارا کہیں جسے

کس فرصت وصال پہ ہے گل کو عندلیبزخم فراق خندۂ بیجا کہیں جسے

— مرزا غالب