عرض ناز شوخیٔ دنداں برائے خندہ ہےدعواۓ جمعیت احباب جاۓ خندہ ہے
ہے عدم میں غنچہ محو عبرت انجام گلیک جہاں زانو تأمل در قفاۓ خندہ ہے
کلفت افسردگی کو عیش بیتابی حرامورنہ دنداں در دل افشردن بناۓ خندہ ہے
شورش باطن کے ہیں احباب منکر ورنہ یاںدل محیط گریہ و لب آشناۓ خندہ ہے
خود فروشی ہاۓ ہستی بسکہ جاۓ خندہ ہےہر شکست قیمت دل میں صداۓ خندہ ہے
نقش عبرت در نظر یا نقد عشرت در بساطدو جہاں وسعت بہ قدر یک فضاۓ خندہ ہے
جاۓ استہزا ہے عشرت کوشی ہستی اسدؔصبح و شبنم فرصت نشو و نماۓ خندہ ہے
— مرزا غالب
Arz-e-naaz-e-shokhi-e-dandaan bara-e-khanda haiDa'wa-e-jam'iyat-e-ahbab ja-e-khanda hai
Hai adam mein ghuncha mahv-e-ibrat-e-anjaam-e-gulYak jahaan zaanu-e-ta'ammul dar qafa-e-khanda hai
Kulfat-e-afsurdagi ko aish-e-betaabi haraamWarna dandaan dar dil afsurdan bana-e-khanda hai
Shourish-e-baatin ke hain ahbab munkir warna yaanDil muheet-e-girya o lab ashna-e-khanda hai
Khud-faroshi-ha-e-hasti bas-ke ja-e-khanda haiHar shikast-e-qimat-e-dil mein sada-e-khanda hai
Naqsh-e-ibrat dar nazar ya naqd-e-ishrat dar basaatDo jahaan wus'at ba qadr-e-yak faza-e-khanda hai
Ja-e-istehza hai ishrat-koshi-e-hasti AsadSubh o shabnam fursat-e-nashv-o-numa-e-khanda hai