بلا سے ہیں جو یہ پیش نظر در و دیوارنگاہ شوق کو ہیں بال و پر در و دیوار
وفور اشک نے کاشانے کا کیا یہ رنگکہ ہو گئے مرے دیوار و در در و دیوار
نہیں ہے سایہ کہ سن کر نوید مقدم یارگئے ہیں چند قدم پیشتر در و دیوار
ہوئی ہے کس قدر ارزانی مۓ جلوہکہ مست ہے ترے کوچے میں ہر در و دیوار
جو ہے تجھے سر سوداۓ انتظار تو آکہ ہیں دکان متاع نظر در و دیوار
ہجوم گریہ کا سامان کب کیا میں نےکہ گر پڑے نہ مرے پاؤں پر در و دیوار
وہ آ رہا مرے ہم سایے میں تو سائے سےہوئے فدا در و دیوار پر در و دیوار
نظر میں کھٹکے ہے بن تیرے گھر کی آبادیہمیشہ روتے ہیں ہم دیکھ کر در و دیوار
نہ پوچھ بے خودی عیش مقدم سیلابکہ ناچتے ہیں پڑے سر بہ سر در و دیوار
نہ کہہ کسی سے کہ غالبؔ نہیں زمانے میںحریف راز محبت مگر در و دیوار
— مرزا غالب
Bala se hain jo yeh pesh-e-nazar dar o deewarNigah-e-shauq ko hain baal o par dar o deewar
Wafoor-e-ashk ne kashane ka kiya yeh rangKe ho gaye mare deewar o dar dar o deewar
Nahin hai saya ke sun kar naveed-e-maqdam-e-yaarGaye hain chand qadam peshtar dar o deewar
Hui hai kis qadar arzani-e-mai jalwaKe mast hai tere kooche mein har dar o deewar
Jo hai tujhe sar-e-sauda-e-intezar to aaKe hain dukan-e-mata-e-nazar dar o deewar
Hujoom-e-girya ka samaan kab kiya main neKa gar pade na mere paaon par dar o deewar
Woh aa raha mere humsaye mein to saye seHue fida dar o deewar par dar o deewar
Nazar mein khatke hai bin tere ghar ki aabaadiHamesha rote hain hum dekh kar dar o deewar
Na pooch be-khudi-e-aish-e-maqdam-e-sailabKe nachte hain pade sar ba sar dar o deewar
Na keh kisi se ke Ghalib nahin zamane meinHareef-e-raz-e-mohabbat magar dar o deewar