دیکھ کر در پردہ گرم دامن افشانی مجھےکر گئی وابستۂ تن میری عریانی مجھے
بن گیا ہیں تیغ نگاہ یار کا سنگ فساںمرحبا میں کیا مبارک ہے گراں جانی مجھے
کیوں نہ ہو بے التفاتی اس کی خاطر جمع ہےجانتا ہے محو پرسش ہاۓ پنہانی مجھے
میرے غم خانے کی قسمت جب رقم ہونے لگیلکھ دیا منجملۂ اسباب ویرانی مجھے
بد گماں ہوتا ہے وہ کافر نہ ہوتا کاش کےاس قدر ذوق نوائے مرغ بستانی مجھے
وائے واں بھی شور محشر نے نہ دم لینے دیالے گیا تھا گور میں ذوق تن آسانی مجھے
وعدہ آنے کا وفا کیجے یہ کیا انداز ہےتم نے کیوں سونپی ہے میرے گھر کی دربانی مجھے
ہاں نشاط آمد فصل بہاری واہ واہپھر ہوا ہے تازہ سودائے غزل خوانی مجھے
دی مرے بھائی کو حق نے از سر نو زندگیمیرزا یوسف ہے غالبؔ یوسف ثانی مجھے
— مرزا غالب
Dekh kar dar parda garm-e-daaman-afshani mujheKar gayi wabasta-e-tan meri uryaani mujhe
Ban gaya hai tegh-e-nigah-e-yaar ka sang-e-fasanMarhaba main kya mubarak hai giran-jani mujhe
Kyon na ho be-iltifati us ki khatir jam'a haiJanta hai mahv-e-purish-ha-e-pinhaani mujhe
Mere gham-khane ki qismat jab raqam hone lagiLikh diya mujmilah asbab-e-veerani mujhe
Bad-guman hota hai woh kaafir na hota kaash keIs qadar zauq-e-nawa-e-murgh-e-bustani mujhe
Waaye wan bhi shor-e-mahshar ne na dam lene diyaLe gaya tha gor mein zauq-e-tan-aasani mujhe
Wa'da aane ka wafa kije ye kya andaaz haiTum ne kyon saunpi hai mere ghar ki darbani mujhe
Haan nishaat-e-aamad-e-fasl-e-bahari wah wahPhir hua hai taza sauda-e-ghazal-khwani mujhe
Di mere bhai ko Haq ne az sar-e-nau zindagiMirza Yusuf hai Ghalib Yusuf-e-saani mujhe